കോഴിക്കോട്: 'മുഹമ്മദ് നബി (സ്വ) കുടുംബ നീതിയുടെ പ്രകാശം' എന്ന സന്ദേശവുമായി എസ്.കെ. എസ്. എസ് .എഫ് സംസ്ഥാന വ്യാപകമായി ആചരിക്കുന്ന മീലാദ് കാംപയിനിന്റെ സംസ്ഥാന തല ഉദ്ഘാടനം ഇന്ന്  വയനാട് ജില്ലയിലെ പൊഴുതന ആറാം മൈലില്‍ നടക്കും. സമസ്ത കേന്ദ്ര മുശാവറ മെമ്പര്‍ കെ.ടി ഹംസ മുസ്‌ലിയാര്‍ ഉദ്ഘാടനം ചെയ്യും.
റശീദ് ഫൈസി വെള്ളായിക്കോട്, സി.പി ഹാരിസ് ബാഖവി, ശംസുദ്ദീന്‍ റഹ്മാനി, കെ.മമ്മുട്ടി നിസാമി തരുവണ, ശൗഖത്തലി വെള്ളമുണ്ട , അയ്യൂബ് മാസ്റ്റര്‍, അബൂബക്കര്‍ റഹ്മാനി , ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് തുടങ്ങിയവര്‍ സംബന്ധിക്കും. എസ്.കെ.എസ്. എസ് എഫ് സംസ്ഥാന ട്രഷറര്‍ ബഷീര്‍ ഫൈസി ദേശമംഗലം പ്രമേയ പ്രഭാഷണം നടത്തും. കാംപയിനിന്റെ ഭാഗമായി സെമിനാറുകള്‍, മൗലിദ് മജ്‌ലിസ്, കടുംബ സദസുകള്‍, മത്സരങ്ങള്‍ , പ്രഭാഷണങ്ങള്‍ തുടങ്ങിയവ നടക്കും. കാംപയിന്‍ കാലയളവില്‍ എസ്.കെ. എസ് .എസ് എഫ് .സൈബര്‍ വിങിന്റെ ആഭിമുഖ്യത്തില്‍ വിവിധ പ്രവാചക പ്രകീര്‍ത്തന കാവ്യങ്ങളുടെ മൊബൈല്‍ ആപ്ലിക്കേഷനുകള്‍ പുറത്തിറക്കും.