കല്‍പ്പറ്റ: അമ്പലവയലില്‍ പുനര്‍നിര്‍മ്മാണം പൂര്‍ത്തിയാക്കിയ ജുമാമസ്ജിദ് ഉദ്ഘാടനം മൂന്നിന് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മൂന്നിന് നടക്കുന്ന അസറ് നിസ്‌കാരത്തിന് നേതൃത്വം നല്‍കി പാണക്കാട് സ്വാദിഖലി ശിഹാബ് തങ്ങള്‍ ജുമാമസ്ജിദിന്റെ ഉദ്ഘാടനം നിര്‍വഹിക്കും. ഉദ്ഘാടനത്തോടനുബന്ധിച്ച് ഇന്ന് മുതല്‍ മതപ്രഭാഷണവും ദുആ മജ്‌ലിസും നടക്കും.
സമസ്ത ജനറല്‍ സെക്രട്ടറി പ്രഫ. കെ ആലിക്കുട്ടി മുസ്‌ലിയാര്‍ അനുഗ്രഹ പ്രഭാഷണം നടത്തും. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാകുന്ന ചടങ്ങില്‍ സൈയ്ത് മുഹമ്മദ് നിസാമി മുഖ്യപ്രഭാഷണം നടത്തും. അബ്ദുറഹ്മാന്‍ മുഹമ്മദ് ശുര്‍ബാക് അല്‍ ത്വുനൈജി റാസല്‍മൈ പരിപാടിയില്‍ മുഖ്യാതിഥിയാവും. എസ്.വൈ.എസ് സംസ്ഥാന ട്രഷര്‍ ഹാജി കെ മമ്മദ് ഫൈസി, ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍, സമസ്ത ജില്ലാ സെക്രട്ടറി എസ് മുഹമ്മദ് ദാരിമി, ഡബ്ല്യു.എം.ഒ ജനറല്‍ സെക്രട്ടറി എം.എ മുഹമ്മദ് ജമാല്‍, യൂസുഫ് ഹാജി, കണക്കയില്‍ മുഹമ്മദ് ഹാജി സംസാരിക്കും. ഇന്ന് ആരംഭിക്കുന്ന മതപ്രഭാഷണം ഒ.കെ.എസ് തങ്ങള്‍ പാടന്തറ ഉദ്ഘാടനം ചെയ്യും. സ്വലാഹുദ്ദീ ഫൈസി വെന്നിയൂര്‍ പ്രഭാഷണം നടത്തും. രണ്ടാംദിനം പാണക്കാട് ശഹീറലി ശിഹാബ് തങ്ങള്‍ ഉദ്ഘാടനം ചെയ്യും. സലാഹുദ്ദീന്‍ ഫൈസി വല്ലപ്പുഴ പ്രഭാഷണം നടത്തും. മൂന്നിന് ഉച്ചകഴിഞ്ഞ് രണ്ടിന് നടക്കുന്ന സാംസ്‌കാരിക സംഗമം ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും. വാര്‍ത്താസമ്മേളനത്തില്‍ ചെയര്‍മാന്‍ കണക്കയില്‍ മുഹമ്മദ്, മഹല്ല് സെക്രട്ടറി വി.പി മൊയ്തീന്‍ ഹാജി, ഉമര്‍ നിസാമി, അഫ്‌സല്‍ ഗസാലി എന്നിവര്‍ പങ്കെടുത്തു.