ആലപ്പുഴ : ഹീറോ - മികാസ ഓള്‍ കേരള സെവന്‍സ് ഫുട്‌ബോള്‍ ഫല്‍ഡ് ലിറ്റ് ടൂര്‍ണമെന്റിന് തുടക്കമായി. ആലപ്പുഴ ഇഎംഎസ് സ്റ്റേഡിയത്തില്‍ ആരംഭിച്ച മല്‍സരങ്ങള്‍ക്ക് പൊതുമരാമത്ത് മന്ത്രി ജി സുധാകരന്‍ ഉദ്ഘാടനം ചെയ്യും. വൈകുന്നേരം ഏഴിന് തുടക്കമിട്ട മല്‍സരത്തില്‍ കൊച്ചിന്‍ പോര്‍ട്ട് ട്രസ്റ്റും മലപ്പുറവും ഏറ്റുമുട്ടി.ദേശീയ- ക്ലബ് താരങ്ങള്‍ പങ്കെടുക്കുന്ന മല്‍സരങ്ങള്‍ക്ക് മന്ത്രി പന്ത് തട്ടി തുടക്കമിട്ടു. മുനിസിപ്പല്‍ ചെയര്‍മാന്‍ തോമസ് ജോസഫ് അധ്യക്ഷനായി. ചെയര്‍മാന്‍ കമാല്‍ എം മാക്കിയില്‍ സ്വാഗതം പറഞ്ഞു. ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍ ,എ.എ ഷുക്കൂര്‍, ബി മെഹബൂബ്,  മനോജ് കുമാര്‍, പി എ അനില്‍കുമാര്‍, പി പി ജോണ്‍, ഡി വൈ എസ് പി എം .ഇ .ഷാജഹാന്‍. തുടങ്ങിയവര്‍ പ്രസംഗിച്ചു.