നടുവണ്ണൂര്‍: പേരാമ്പ്ര ഉപജില്ലാ സ്‌കൂള്‍ കലോത്സവത്തിന് അവിടനല്ലൂര്‍ ഗവ. ഹയര്‍സെക്കന്‍ഡറി സ്‌കൂളില്‍ തുടക്കമായി. തൊഴില്‍ എക്‌സൈസ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്തു. പുരുഷന്‍ കടലുണ്ടി എം.എല്‍.എ അധ്യക്ഷനായി. പഞ്ചായത്ത് പ്രസിഡന്റുമാരായ യശോദ തെങ്ങിട, എം. പത്മജ, വിന്‍സി തോമസ്്, ശ്രീജ പുല്ലിരിക്കല്‍, എം. ചന്ദ്രന്‍, കെ.കെ ബാലന്‍, ചേലേരി മമ്മുക്കുട്ടി, എ.ഇ.ഒ സുനില്‍കുമാര്‍, ബി.പി.ഒ കെ.പി സഹീര്‍, കെ. ശ്രീധരന്‍, എന്‍. മുരളീധരന്‍ സംസാരിച്ചു. കോട്ടൂര്‍ പഞ്ചായത്ത് പ്രസിഡന്റ് ഷീജ കാറങ്ങോട്ട് സ്വാഗതവും ജനറല്‍ കണ്‍വീനര്‍ കുഞ്ഞമ്മദ് പടിഞ്ഞാറയില്‍ നന്ദിയും പറഞ്ഞു. കലോത്സവം നാളെ സമാപിക്കും.