കണ്ണൂര്‍: സ്‌റ്റേറ്റ് ബാങ്ക് ഓഫ് ഇന്ത്യയിലെ ശാഖകളില്‍ ഇന്നുമുതല്‍ അഞ്ഞൂറിന്റെ കറന്‍സിയെത്തും. ഇതോടെ കറന്‍സി ക്ഷാമത്തിനു അല്‍പ്പമെങ്കിലും ആശ്വാസമാകുമെന്നാണ് പ്രതീക്ഷ. എന്നാല്‍ പരിമിതമായ കറന്‍സി മാത്രമേ തങ്ങള്‍ക്കു ലഭിക്കൂവെന്നാണ് ബാങ്ക് അധികൃതര്‍ പറയുന്നത്. ഇന്നുരാവിലെ മുതല്‍ അഞ്ഞൂറ് രൂപ ബാങ്ക് ശാഖകള്‍ വഴിയും എ.ടി.എമ്മിലൂടെയും വിതരണം ചെയ്യും. ഇന്നലെ വന്‍തിരക്കാണ് എസ്.ബി.ഐ, എസ്.ബി.ടി തുടങ്ങിയ ദേശസാത്കൃത ബാങ്കുകളില്‍ അനുഭവപ്പെട്ടത്. പെന്‍ഷന്‍ വാങ്ങാനെത്തിയവരുടെ നീണ്ട ക്യൂ ദൃശ്യമായി.