കൊപ്പം: രൂക്ഷമാകുന്ന വരള്‍ച്ചയെ പ്രതിരോധിക്കാന്‍ കുലുക്കല്ലൂര്‍ പഞ്ചായത്തില്‍ നൂറില്‍പരം കിണറുകള്‍ കുഴിക്കുന്നു. ഒരു കിണറിന് മുപ്പതിനായിരം രൂപ ചെലവു കണക്കാക്കി തൊഴിലുറപ്പ് പദ്ധതിയിലുള്‍പ്പെടുത്തിയാണ് കിണര്‍ നിര്‍മിക്കുന്നത്. തുടക്കം കുറിച്ച പതിനൊന്ന് കിണറുകളില്‍ രണ്ടെണ്ണത്തിന്റെ പണി പൂര്‍ത്തിയായി. ജനം സാധാ കിണറുകള്‍ ഒഴിവാക്കി കുഴല്‍ കിണറിലേക്ക് ഉള്‍വലിയുമ്പോള്‍ പഞ്ചായത്തിന്റെ മേല്‍ നോട്ടത്തിലുള്ള ഇത്തരം പ്രവര്‍ത്തനങ്ങള്‍ ശ്രദ്ധേയമാണ്. ഒരു വാര്‍ഡില്‍ ഏഴുവീതം എന്ന കണക്കില്‍ 119 കിണറുകളാണ് കുഴിക്കുന്നതെന്നും ഉടന്‍ നിര്‍മാണം പൂര്‍ത്തിയാക്കുമെന്നും പഞ്ചായത്ത് പ്രസിഡന്റ് മുഹമ്മദ് നൂറുദ്ധീന്‍ പറഞ്ഞു.