ബാണ്ഡ: 10 രൂപ അധികം ആവശ്യപ്പെട്ടതിന് ടാക്‌സി ഡ്രൈവറെ യാത്രക്കാര്‍ അടിച്ചുകൊന്നു. ഉത്തര്‍പ്രദേശിലെ ബാണ്ഡയിലാണ് സംഭവമുണ്ടായത്. മുന്ന എന്ന യുവാവിനെയാണ് മൂന്നംഗ സംഘം കൊലപ്പെടുത്തിയത.

സംഭവവുമായി ബന്ധപ്പെട്ട് രണ്ട് പേരെ പൊലിസ് അറസ്റ്റ് ചെയ്തു. മൂന്നാമത്തെ പ്രതിക്കു വേണ്ടി തിരച്ചില്‍ തുടരുകയാണ്.

നഗരത്തില്‍ നിന്നും അടുത്ത ഗ്രാമത്തിലേക്ക് പോകാനാണ് മൂന്നുപേര്‍ മുന്നയുടെ ടാക്‌സി വിളിച്ചത്. കനത്ത മഴയായതിനാല്‍ തനിക്ക് 10 രൂപ അധികം തരണമെന്ന് മുന്ന ആവശ്യപ്പെട്ടു. എന്നാല്‍ ഇതുമായി ബന്ധപ്പെട്ടുണ്ടായ വാക്കേറ്റത്തിനിടയില്‍ മുന്ന കൊല്ലപ്പെടുകയായിരുന്നു.