കോഴിക്കോട്: നിരോധിത പുകയില ഉല്‍പ്പന്നങ്ങളുമായി ഒരു സ്ത്രീ അടക്കം രണ്ടുപേര്‍ പിടിയില്‍. ചക്കുംകടവ് സ്വദേശി ബാദുഷ, മാത്തറ സ്വദേശിനി സലീന എന്നിവരാണ് പിടിയിലായത്. തിങ്കളാഴ്ച രാത്രി കല്ലായി റെയില്‍വേ സ്റ്റേഷന്‍ പരിസരത്തു നിന്നുമാണ് ഇവരെ 400 പായ്ക്കറ്റ് നിരോധിത ഉല്‍പ്പന്നങ്ങളുമായി പൊലിസ് പിടികൂടിയത്. തമിഴ്‌നാട്ടില്‍ നിന്നാണ് ഇവര്‍ പുകയില എത്തിച്ചതെന്നാണ് പൊലിസിനു നല്‍കിയ മൊഴി.  അന്യസംസ്ഥാനത്തു നിന്നും പുകയില ഉല്‍പ്പന്നങ്ങള്‍ എത്തിച്ച് ഇരട്ടി വിലയ്ക്കു വില്‍ക്കുന്നതാണ് ഇവരുടെ രീതിയെന്നു പൊലിസ് പറഞ്ഞു.