കല്‍പകഞ്ചേരി: കടുങ്ങാത്തുകുണ്ട് തെക്കത്തിപ്പാറയില്‍ യു.ഡി.എഫ് പ്രകടനത്തിനിടെ പടക്കം പൊട്ടിച്ചതുമായി ബന്ധപ്പെട്ട് കല്‍പകഞ്ചേരി പൊലിസ് കസ്റ്റഡിയിലെടുത്ത രണ്ടുപേരെ കൈയേറ്റം ചെയ്തതില്‍ പ്രതിഷേധം.
കസ്റ്റഡിയിലെടുത്തവരെ സ്റ്റേഷനില്‍ ഇറക്കുന്ന സമയത്ത് പൊലിസ് സാന്നിധ്യത്തില്‍ കയ്യേറ്റം നടന്നെന്നാണ് പരാതി. സി.പി.എം പ്രവര്‍ത്തകരാണ് ഇവരെ കയ്യേറ്റം ചെയ്തതെന്ന് നാട്ടുകാര്‍ ആരോപിച്ചു.
ഇവര്‍ക്ക് പൊലിസ് ഒത്താശ ചെയ്തു കൊടുക്കുന്ന സാഹചര്യമാണ് ഇവിടെ ഉണ്ടായതെന്നും നാട്ടുകാര്‍ പറഞ്ഞു. വളാഞ്ചേരി സിഐയുടെ വാഹനത്തിന്റെ ഗ്ലാസുകള്‍ തകര്‍ത്ത സി.പി.എമ്മു കാര്‍ക്കെതിരെ പൊലിസ് കേസെടുക്കാതിരുന്നതും പൊലിസ്-സി.പി.എം ഒത്തുകളിയാണെന്ന് നാട്ടുകാര്‍ ആരോപിച്ചു.