പോത്തന്‍കോട്: സ്‌കൂളുകളും കോളജുകളും കോളനികളും കേന്ദ്രീകരിച്ച് കഞ്ചാവ് വില്‍പ്പന നടത്തുന്ന സംഘത്തിലെ രണ്ടു പേരെ പോത്തന്‍കോട് പൊലിസ് അറസ്റ്റ് ചെയ്തു.
തോന്നയ്ക്കല്‍ സായി ഗ്രാമത്തിനു സമീപം പറണ്ടമല ഊരുപൊയ്ക രാരി ഭവനില്‍ സുജിത്ത് (24), അരിയോട്ടുകോണം വാഴവിള കുന്നില്‍ വീട്ടില്‍ അനന്തു (20) എന്നിവരാണ് പിടിയിലായത്. ലഹരി രഹിത വിദ്യാലയം പദ്ധതിയുടെ ഭാഗമായി പോത്തന്‍കോട് പൊലിസ് നടത്തിയ റെയ്ഡിലാണ് പ്രതികള്‍ അറസ്റ്റിലായത്. ഇവരില്‍ നിന്ന് 20 പൊതി കഞ്ചാവ് പിടിച്ചെടുത്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. പോത്തന്‍കോട് സി.ഐ. എസ്.ഷാജി, എസ്.ഐമാരായ കെ.ആര്‍.ബിജു, പ്രകാശ്, പൊലിസുകാരായ മനു, സുധീര്‍ എന്നിവരടങ്ങുന്ന അന്വേഷണസംഘമാണ് പ്രതികളെ പിടികൂടിയത്.