കോതമംഗലം: ഹെല്‍മറ്റില്ലാതെ വാഹനമോടിച്ചതിന് പിടിയിലായ ആള്‍ നടുറോഡില്‍ പൊലിസിനെ അക്രമിച്ചു.
ഹെല്‍മറ്റ് ധരിക്കാതെ വാഹനമോടിച്ചതിന് രോഷാകുലനായ ആളെ പിടിച്ച് മാറ്റാന്‍ ചെന്ന പൊലിസുകാരന്റെ വിരല്‍ പിരിച്ചൊടിച്ചെന്നാണ് കേസ്.മൂവാറ്റുപുഴ പെരുംമ്പല്ലൂര്‍ കാരിക്കോത്ത് പ്രത്യൂഷ് (32)ആണ് അറസ്റ്റിലായത്. പൊലിസിന്റെ കൃത്യനിര്‍വഹണം തടസ്സപ്പെടുത്തി, യൂനിഫോമിലായിരുന്ന ഉദ്യോഗസ്ഥനെ ആക്രമിച്ചു എന്നീവകുപ്പുകള്‍ ഉള്‍പ്പെടുത്തിയാണ് ഇയാള്‍ക്കെതിരെ കേസെടുത്തിട്ടുളളത്. ഇന്നലെ വൈകിട്ട് 4.30ഓടെ കോതമംഗലം വിമലഗിരി ജങ്ഷനിലാണ് സംഭവം. പൊലിസ് സംഘം ഇയാളെ കസ്റ്റഡിയില്‍ എടുത്ത് സ്‌റ്റേഷനില്‍ എത്തിച്ചു. പിടിവലിക്കിടയില്‍ പൊലിസ് സംഘത്തിലെ സൈനുദ്ദീന്റെ കൈയ്യുടെ കുഴക്കും വിരലിനും പരുക്കേറ്റു.
വൈദ്യപരിശോധനയില്‍ വിരലിന് പൊട്ടുണ്ടെന്നും കണ്ടെത്തിയിട്ടുണ്ട്. തുടര്‍ന്ന് സൈനുദ്ദീന്റെ മൊഴിപ്രകാരം പൊലിസ് കേസെടുത്ത് ബൈക്ക് യാത്രക്കാരന്റെ അറസ്റ്റ് രേഖപ്പെടുത്തി. ഇയാളെ ഇന്ന് കോടതിയില്‍ ഹാജരാക്കും.