വടകര: കേന്ദ്ര സര്‍ക്കാരിന്റെ നോട്ട് നിയന്ത്രണം മൂലം പാലിന്റെ വില കിട്ടാത്തതില്‍ പ്രതിഷേധിച്ച് അരൂര്‍ കല്ലുമ്പുറം ക്ഷീരോദ്പാദക സഹകരണ സംഘത്തിന്റെ നേതൃത്വത്തില്‍ ക്ഷീര കര്‍ഷകര്‍ പശുക്കളുമായി അരൂര്‍ പോസ്റ്റ് ഓഫിസിന് മുന്‍പില്‍ ധര്‍ണ നടത്തി.
കര്‍ഷകര്‍ പാലൊഴുക്കി പ്രതിഷേധിച്ചു. സംഘം പ്രസിഡന്റ് കെ സജീവന്‍ ഉദ്ഘാടനം ചെയ്തു. സി.ടി.കെ അമ്മത് അധ്യക്ഷനായി. പി ശ്രീലത, എം.എ ഗഫൂര്‍, മൊയ്തു ഹാജി, പാറോള്ളതില്‍ അബ്ദുല്ല, കണ്ടോത്ത് ശശി, അമ്പ്രോളി രവി, കോടികണ്ടി പ്രദീഷ്, കെ.ഗോപാലന്‍, മലോല്‍ അമ്മദ്, എ.സുമിത്ര, ഒപി അനിത എന്നിവര്‍ പ്രസംഗിച്ചു. പി.നാരായണ കുറുപ്പ്, കെ.ബാലകുറുപ്പ്, വി.പി ശ്രീധരന്‍, പി.വിനോദന്‍ എന്നിവര്‍ നേതൃത്വം നല്‍കി.