കോഴിക്കോട്: ജില്ലാ ത്വലബാ വിങ് മീലാദ് കാംപയിനിന് തുടക്കമായി. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി സുപ്രഭാതം സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്രക്ക് സ്‌നേഹസന്ദേശം നല്‍കി ഉദ്ഘാടനം ചെയ്തു. ബീച്ച് കേന്ദ്രീകരിച്ച് പ്രവാചക ജീവിത സന്ദേശമടങ്ങിയ ലഘുലേഖ വിതരണവും നടത്തി.
30ന് സമാപിക്കുന്ന കാംപയിനിന്റെ ഭാഗമായി ഏരിയാതലങ്ങളില്‍ മതപ്രഭാഷണ മത്സരവും സെമിനാറുകളും നടത്തും. യൂനിറ്റ് തലങ്ങളില്‍ നബിദിന റാലിയും പ്രമേയ പ്രഭാഷണങ്ങളും നടക്കും. സംഗത്തില്‍ റാഫി പുറമേരി അധ്യക്ഷനായി. മനാഫ് മഞ്ചേരി, അബൂബക്കര്‍, ജുനൈദ്, ജലാല്‍ കളരാന്തിരി, ഖാസിം പാറന്നൂര്‍, അസ്‌ലം പുറക്കാട്, ഇര്‍ഷാദ് തൂണേരി, അനീസ് കോടത്തറ സംസാരിച്ചു.