കണ്ണൂര്‍: വിദ്യാഭ്യാസ അവകാശ നിയമം, ബാലാവകാശ നിയമം, കുട്ടികളുടെ പ്രകൃതവും പഠനതന്ത്രവും, ശിശുസൗഹൃദ ക്ലാസ്മുറികള്‍ തുടങ്ങിയ കാര്യങ്ങള്‍ മദ്‌റസാ അധ്യാപകരിലേക്ക് എത്തിക്കുക എന്ന ലക്ഷ്യത്തോടെ സര്‍വശിക്ഷാ അഭിയാന്‍ മദ്‌റസാ അധ്യാപകര്‍ക്കായി നടത്തുന്ന പരിശീലനം തുടങ്ങി. ജില്ലാതല ഉദ്ഘാടനം കോര്‍പറേഷന്‍ വിദ്യാഭ്യാസ ആരോഗ്യ സ്റ്റാന്റിങ് കമ്മിറ്റി അധ്യക്ഷ ഷാഹിന മൊയ്തീന്‍ നിര്‍വഹിച്ചു. ജില്ലാ പ്രോഗ്രാം ഓഫിസര്‍ ടി.പി വേണുഗാപാലന്‍ അധ്യക്ഷനായി. ശിവദാസന്‍, കൃഷ്ണന്‍ കുറിയ, മുഹമ്മദ് കീത്തേടത്ത് സംസാരിച്ചു.