എരുമേലി: അപകടത്തില്‍പ്പെട്ട വാഹനത്തിന്റെ അടിയില്‍ നിന്ന് രണ്ടുപൊതികളിലായി മൂന്നര കിലോ കഞ്ചാവ് കണ്ടെടുത്തു.
കഴിഞ്ഞ ദിവസം എരുമേലിയില്‍ നിയന്ത്രണം വിട്ട് ബിവറേജ് ഔട്ട്‌ലെറ്റിലേക്ക് ഇടിച്ചുകയറിയ കാര്‍ പരിശോധിച്ചപ്പോഴാണ് കഞ്ചാവ് പൊതികള്‍ കണ്ടത്.
സംഭവത്തില്‍ രണ്ടുപേരെ എരുമേലി പൊലിസ് പിടികൂടി. കൊല്ലം സ്വദേശികളാണ് പിടിയിലായത്. അപകടമുണ്ടയപ്പോള്‍ നഷ്ടപരിഹാരം നല്‍കി രക്ഷപെടാന്‍ ശ്രമിക്കുകയായിരുന്നു കാറില്‍ വന്നവര്‍.
എന്നാല്‍ ഇക്കാര്യത്തില്‍ ചെറിയ വാക്കു തര്‍ക്കമുണ്ടായിരുന്നു. പൊലിസ് സംഭസ്ഥലത്തെത്തിയത്. അപകടത്തില്‍പെപ്പട്ട കാര്‍ ക്രെയിന്‍ ഉപയോഗിച്ചു പൊക്കിമാറ്റുന്നതിനിടയിലാണ് അടിയില്‍ രണ്ടുകവറുകള്‍ ഒട്ടിച്ചുവച്ച നിലയില്‍ കാണപ്പെട്ടത്.