എരമല്ലൂര്‍ : പൊന്‍പുറം മുസ്‌ലിം ജമാഅത്ത് കമ്മറ്റിയുടേയും  നൂറുല്‍ ഹുദായുടേയും സംയുക്താഭിമുഖ്യത്തില്‍  നബിദിനാഘോഷവും സന്ദേശയാത്രയും  10, 11, 12 തീയതികളില്‍ നടക്കും. 10ന് ശനിയാഴ്ച രാവിലെ 8 മണിക്ക് മദ്‌റസ വിദ്യാര്‍ഥികളുടെ കലാമത്സരങ്ങള്‍, നൂറുല്‍ഹുദാ മദ്‌റസ പ്രസിഡന്റ് വാലയില്‍ റഷീദിന്റെ അദ്ധ്യക്ഷതയില്‍ പൊന്‍പുറം മഹല്‍ ചീഫ് ഇമാം ഡോ. ഹക്കീം ഫൈസി തിരുവനന്തപുരം ഉദ്ഘാടനം നിര്‍വ്വഹിക്കും. മഹല്‍ പ്രസിഡന്റ് എം.കെ. അബ്ദുള്‍ ഗഫൂര്‍ഹാജി മുഖ്യപ്രഭാഷണം നടത്തും. കെ. ബഷീര്‍ മൗലവി (റെയ്ഞ്ച് സെക്രട്ടറി) ബാദുഷ മൗലവി, വി.എന്‍. ജസീര്‍, വി.എ. ഷെരീഫ്, എ. അന്‍സില്‍, അന്‍ഷാദ് മുസ് ലിയാര്‍, ഷെമീര്‍ മുസ്‌ലിയാര്‍, പൊന്‍പുറം മഹല്‍ സെക്രട്ടറി മജീദ് തുടങ്ങിയവര്‍ സംസാരിക്കും. തുടര്‍ന്ന് മദ്‌റസ വിദ്യാര്‍ഥികളുടെ കലാമത്സരപരിപാടികള്‍ അരങ്ങേറും. 11ന് വിവിധ പരിപാടികള്‍. 12-ന് തിങ്കളാഴ്ച സുബ്ഹി നിസ്‌ക്കാരനന്തരം മൗലൂദ് പാരായണം 8.30-ന് നബിദിന സന്ദേശറാലി തുടര്‍ന്ന് അവാര്‍ഡുദാനവും ദഫ് അവതരണവും നടത്തും.