തിരുവനന്തപുരം: കേരളത്തില്‍ മനുഷ്യാവകാശ ലംഘനവുമായി ബന്ധപ്പെട്ട പരാതികള്‍ വര്‍ധിക്കുന്നു. സംസ്ഥാന മനുഷ്യാവകാശ കമ്മിഷനില്‍ ഈ വര്‍ഷം ഇതുവരെയെത്തിയത് 12,459 പരാതികള്‍. രാജ്യത്തെ മറ്റിടങ്ങളെ അപേക്ഷിച്ച് ഏറ്റവുമധികം പരാതികള്‍ ലഭിക്കുന്നത് കേരളത്തിലെ മനുഷ്യാവകാശ കമ്മിഷനിലാണ്. ഏറ്റവുമധികം പരാതികള്‍ തീര്‍പ്പാക്കിയതും ഇവിടെയാണ്.
വര്‍ഷം 13,000ത്തിലധികം പരാതികളാണ് സംസ്ഥാന കമ്മിഷനില്‍ ലഭിക്കുന്നത്. 2014ല്‍ 12,940 പരാതികളും 2015ല്‍ 12,877 പരാതികളും ലഭിച്ചു. 2014ല്‍ മുന്‍വര്‍ഷം ലഭിച്ച പരാതികള്‍ ഉള്‍പ്പെടെ 12,894 കേസുകള്‍ തീര്‍പ്പാക്കി. 2015ല്‍ 12,740 കേസുകളും തീര്‍പ്പാക്കി. പി. മോഹനദാസാണ് കമ്മിഷന്‍ ആക്റ്റിങ് ചെയര്‍പേഴ്‌സന്‍.