തൊടുപുഴ: മുന്‍ പ്രധാനമന്ത്രി രാജീവ് ഗാന്ധിയുടെ 25 ാം രക്തസാക്ഷിദിനം കോണ്‍ഗ്രസ് നേതൃത്വത്തില്‍ ജില്ലയുടെ വിവിധ ഭാഗങ്ങളില്‍ ആചരിച്ചു. പുഷ്പാര്‍ച്ചന, പ്രാര്‍ഥനാ സദസ്, അനുസ്മരണം എന്നിവയോടെയാണ് ആചരിച്ചത്. തൊടുപുഴയില്‍ ജില്ലാ കോണ്‍ഗ്രസ് കമ്മറ്റിയുടെ ആഭിമുഖ്യത്തില്‍ നടന്ന ചടങ്ങില്‍ ഡി സി സി പ്രസിഡന്റ് റോയി കെ പൗലോസ്, കെ പി സി സി എക്‌സി. അംഗം സി പി മാത്യു, ഡി സി സി ജനറല്‍ സെക്രട്ടറിമാരായ എന്‍ ഐ ബെന്നി, വി ഇ താജുദ്ദീന്‍, പി എസ് ചന്ദ്രശേഖരപിള്ള, കെ എസ് യു ജില്ലാ പ്രസിഡന്റ് നിയാസ് കൂരാപ്പിള്ളി, നേതാക്കളായ ടി ജെ ജോസഫ്, ജാഫര്‍ഖാന്‍ മുഹമ്മദ്, കെ വി സിദ്ധാര്‍ഥന്‍, എം കെ പുരുഷോത്തമന്‍, മുനിസിപ്പല്‍ കൗണ്‍സിലര്‍ എം കെ ഷാഹുല്‍ ഹമീദ് തുടങ്ങിയവര്‍ പങ്കെടുത്തു.