വേങ്ങര: ശക്തമായ പൊലിസ് സാന്നിധ്യത്തില്‍ വഖ്ഫ് ബോര്‍ഡ് നിയന്ത്രണത്തില്‍ നടന്ന പറപ്പൂര്‍ വീണാലുക്കല്‍ തര്‍ബിയത്തുല്‍ ഇസ്‌ലാം സംഘം തെരഞ്ഞെടുപ്പില്‍ സമസ്ത പാനലിന് വിജയം. 894 വോട്ടര്‍മാരില്‍ 655 പേര്‍ വോട്ട് ചെയ്തു. 334 വോട്ട് സമസ്ത പാനലിനും 314 വോട്ട് മറുവിഭാഗത്തിനും ലഭിച്ചു. ഏഴു വോട്ട് അസാധുവായി.
നേരത്തെ സമസ്തയ്ക്കു കീഴില്‍ പ്രവര്‍ത്തിച്ചിരുന്ന ഈ സ്ഥാപനത്തിനെതിരേ ഒരു വിഭാഗം കോടതിയില്‍ പോയതിനെ തുടര്‍ന്നാണ് വഖ്ഫ് ബോര്‍ഡ് നേതൃത്വത്തില്‍ തെരഞ്ഞെടുപ്പ് നടത്താന്‍ തീരുമാനിച്ചത്. വഖ്ഫ് ബോര്‍ഡ് റിട്ടയേഡ് സോണല്‍ ഓഫിസര്‍ കെ.കെ മുഹമ്മദ് വരണാധികാരിയായിരുന്നു. വിജയിച്ച സമസ്ത പാനല്‍ അംഗങ്ങള്‍: ടി. മൊയ്തീന്‍ കുട്ടി എന്ന കുഞ്ഞു, എ. അയമുതു, സി. ഹംസ ഹാജി, എന്‍.ടി അബ്ദുസ്സലാം ഹാജി, സി. കോമുക്കുട്ടി ഹാജി, സി.ടി ബീരാന്‍ ഹാജി, ടി.എം മുഹമ്മദ് കുട്ടി ബാവ, ടി.കെ അലവി, കെ.കെ മുഹമ്മദ്, പി. അബ്ദുല്‍ കബീര്‍, എം.ഐ മുഹമ്മദ് കുട്ടി, സി.കെ കുഞ്ഞമ്മുദു, സി.കെ അലവി ഹാജി, കെ.കെ റസാഖ് ഹാജി, എം.കെ അബുഹാജി, വി. മുബാറക്, ഒ.പി ഹംസ, വി.കെ കുഞ്ഞാലസ്സന്‍, പി. അലവി, സി.കെ റഷീദ്, കെ. കുഞ്ഞാലന്‍, പി. ഷാഹുല്‍ ഹമീദ്, എം.പി ഷബീറലി, കെ.എം അബ്ദുസ്സലാം, കെ. മുഹമ്മദ്, എം.സി അബ്ദുല്‍ ബഷീര്‍, സി.കെ ഖാദര്‍ ഹാജി.