സുല്‍ത്താന്‍ ബത്തേരി: ഡബ്ല്യു.എം.ഒ ഇംഗ്ലീഷ് മീഡിയം സ്‌കൂളില്‍ നടന്ന കക്കോടന്‍ മൂസഹാജി സ്മാരക ഫുട്ബാള്‍ ടൂര്‍ണമെന്റില്‍ എതിരില്ലാത്ത രണ്ടു ഗോളുകള്‍ക്ക് ദാറുല്‍ ഉലൂം അറബിക് കോളജിനെ പരാജയപ്പെടുത്തി ഡബ്ല്യു.ഒ.വി.എച്ച്.എസ്.എസ് മുട്ടില്‍ ജേതാക്കളായി. തുടര്‍ച്ചയായി രണ്ടാം തവണയാണ് ജേതാക്കളാവുന്നത്. രണ്ടാം പകുതിയില്‍ സുഫിയാന്‍, ശിവാനന്ദ് എന്നിവരാണ് മുട്ടിലിന്റെ ഗോളുകള്‍ നേടിയത്. മികച്ച കളിക്കാരനായി മുഹമ്മദ് സഹലിനേയും മികച്ച മുന്നേറ്റ നിരക്കാരനായി സുഫിയാനേയും തെരഞ്ഞെടുത്തു. വിജയികള്‍ക്കുള്ള ട്രോഫിയും 3000 രൂപ കാഷ് അവാര്‍ഡും ഫുട്‌ബോള്‍ താരം സുഷാന്ത് മാത്യു സമ്മാനിച്ചു. അധ്യാപകനായ ഫൈസല്‍ മമ്പാടാണ് ടീമിന്റെ പരിശീലകന്‍.