വളാഞ്ചേരി: പൊതുജന ആരോഗ്യമേഖലയില്‍ ആയുര്‍വേദത്തിന്റെ സാധ്യതകള്‍ പരിചയപ്പെടുത്തി ആരേഗ്യമുള്ള ജനതയെ സൃഷ്ടിക്കാന്‍ ഡോക്ടര്‍മാര്‍ ശ്രദ്ധിക്കണമെന്ന് കെ.കെ ആബിദ് ഹുസൈന്‍ തങ്ങള്‍ എം.എല്‍.എ പറഞ്ഞു.
ആയുര്‍വേദ ഡോക്ടര്‍മാരുടെ സംഘടനയായ മെഡിക്കല്‍ അസോസിയേഷന്‍ ഓഫ് ഇന്ത്യ ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് ഡോ.പി.കെ ബീന റോസ് അധ്യക്ഷയായി.
ഡോ. ഖദീജ മുംതാസ് മുഖ്യാതിഥിയായി. ഡോ.എ.കെ മനേജ്കുമാറിനെ ചടങ്ങില്‍ ആദരിച്ചു. ഡോ. കെ.കെ സാവിത്രി, ഡോ. അജിത്ത്കുമാര്‍, ഡോ.മനോജ്കുമാര്‍, ഡോ. മന്‍സൂര്‍ അലി ഗുരുക്കള്‍, ഡോ.അന്‍സാര്‍ അലി സംസാരിച്ചു. ഭാരവാഹികളായി ഡോ.പി.കെ ബീന റോസ്(പ്രസി), ഡോ. സി.എച്ച് അന്‍സാര്‍ അലി ഗുരുക്കള്‍(ജന.സെക്ര), ഡോ.യാസിന്‍ ഇസ്ഹാഖ്(ട്രഷറര്‍)എന്നിവരെ തെരഞെടുത്തു.