ചങ്ങരംകുളം: മൂക്കുതല-മഠത്തിപ്പാടത്ത് സി.പി.എം-ബി.ജെ.പി പ്രവര്‍ത്തകര്‍ തമ്മില്‍ ഏറ്റുമുട്ടി. നാലോളം വരുന്ന ഡി.വൈ.എഫ്.ഐ പ്രവര്‍ത്തകര്‍ക്കും ബി.ജെ.പി പ്രവര്‍ത്തകനായ കുറുമ്പൂര്‍ വിഷ്ണുദേവിനും പരുക്കേറ്റു. കഴിഞ്ഞ ആഴ്ച നടന്ന ഡി.വൈ.എഫ്.ഐ നന്നംമുക്ക് മേഖലാ സമ്മേളനവുമായി ബന്ധപ്പെട്ട് സ്ഥാപിച്ച കൊടി അഴിച്ചതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്.
സംഘര്‍ഷത്തെ തുടര്‍ന്ന് ചങ്ങരംകുളം എസ്.ഐ കെ.പി മനേഷിന്റെ നേതൃത്തിലുള്ള സംഘം സ്ഥലത്തെത്തി പ്രവര്‍ത്തകരെ ലാത്തി വീശി ഓടിച്ചു. കുറച്ച് നാളുകളായി സി.പി.എം-ബി.ജെ.പി സംഘര്‍ഷം നടക്കുന്ന മേഖലയാണ് മൂക്കുതല.