പാലക്കാട്: ഭയരഹിത സഹവര്‍ത്തിത്വത്തിന് എന്ന പ്രമേയവുമായി മുസ്‌ലിം സ്റ്റുഡന്റ്‌സ് ഫെഡറേഷന്‍ ദേശീയ സമ്മേളനം 17 ന് പാലക്കാട് മുനിസിപ്പല്‍ ടൗണ്‍ ഹാളില്‍ നടക്കുമെന്ന് മുസ്‌ലിം ലീഗ് ജനറല്‍ സെക്രട്ടറി കെ. പി. എ മജീദ് വാര്‍ത്താസമ്മേളനത്തില്‍ അറിയിച്ചു.

രാവിലെ പത്തിന് പാണക്കാട്‌ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മുസ്‌ലിം ലീഗ് ദേശീയ പ്രസിഡന്റ് ഇ. അഹമ്മദ്, ജനറല്‍ സെക്രട്ടറി. പ്രൊഫ. കാദര്‍ മൊയ്തീന്‍, ട്രഷറര്‍. പി. കെ കുഞ്ഞാലികുട്ടി, അബൂബക്കര്‍, പാണക്കാട് സാദിഖലി ശിഹാബ് തങ്ങള്‍, പി.വി അബ്ദുല്‍ ഖാദര്‍, ഖുറംഹനീഫ് ഉമ്മര്‍, നഹീം അക്തര്‍, മുനവറലി ശിഹാബ് തങ്ങള്‍, അഡ്വ.എന്‍. ഷംസുദ്ദീന്‍ എന്നിവര്‍ പങ്കെടുക്കും. ഇ. ടി മുഹമ്മദ് ബഷീര്‍. എം. പി, അബ്ദു സമദ് സമദാനി എന്നിവര്‍ വിഷയാവതരണം നടത്തും.
വാര്‍ത്താ സമ്മേളനത്തില്‍ കണ്‍വീനര്‍ ടി. പി അഷ്‌റഫലി, കെ. എസ്. ഹംസ, സി.എ. എ കരീം, കളത്തില്‍ അബ്ദുല്ല എന്നിവരും സംബന്ധിച്ചു.