ബ്രിസ്‌ബെയ്ന്‍: പാകിസ്താനെതിരായ ഒന്നാം ക്രിക്കറ്റ് ടെസ്റ്റിന്റെ ആദ്യ ദിനത്തില്‍ ആസ്‌ത്രേലിയക്കു മേല്‍കൈ. ഒന്നാം ദിനം കളി നിര്‍ത്തുമ്പോള്‍ ഓസീസ് ഒന്നാം ഇന്നിങ്‌സില്‍ മൂന്നു വിക്കറ്റ് നഷ്ടത്തില്‍ 288 റണ്‍സെന്ന ശക്തമായ നിലയില്‍. ഉജ്ജ്വല സെഞ്ച്വറി (110)യുമായി പുറത്താകാതെ നില്‍ക്കുന്ന നായകന്‍ സ്റ്റീവന്‍ സ്മിത്തിന്റെ ബാറ്റിങാണ് ഓസീസിനു കരുത്തായത്. കരിയറിലെ 16ാം ടെസ്റ്റ് സെഞ്ച്വറിയാണ് നായകന്‍ ബ്രിസ്‌ബെയ്‌നില്‍ കുറിച്ചത്. കളി നിര്‍ത്തുമ്പോള്‍ 64 റണ്‍സുമായി പീറ്റര്‍ ഹാന്‍ഡ്‌കോം സ്മിത്തിനൊപ്പം ക്രീസിലുണ്ട്. മാറ്റ് റെന്‍ഷോ (71) വാര്‍ണര്‍ (32), ഖവാജ (നാല്) എന്നിവരാണ് പുറത്തായത്. പാക് നിരയില്‍ മുഹമ്മദ് ആമിര്‍, യാസിര്‍ ഷാ, വഹാബ് റിയാസ് എന്നിവര്‍ ഓരോ വിക്കറ്റെടുത്തു.