കല്‍പ്പറ്റ: ജില്ലയെ കാര്‍ബണ്‍ ന്യൂട്രല്‍ ജില്ലായാക്കാനുള്ള ്രപവര്‍ത്തനങ്ങള്‍ക്കായി മുഴുവന്‍ വിദ്യാര്‍ഥികളും രംഗത്തറിങ്ങണമെന്ന് എസ്.എഫ്.ഐ കല്‍പ്പറ്റ ഏരിയാസമ്മേളനം ആവശ്യപ്പെട്ടു. പരിസ്ഥിതി സംരക്ഷണത്തിനായുള്ള ഈ ചുവട്‌വയ്പ് വിദ്യാര്‍ഥികള്‍ ഒന്നടങ്കം ഏറ്റെടുക്കണം. ക്യാംപസുകള്‍ ലഹരിമുക്തമാക്കണമെന്നും വര്‍ഗീയതക്കെതിരെ പ്രതിരോധം തീര്‍ക്കണമെന്നും സമ്മേളനം പ്രമേയത്തിലൂടെ ആവശ്യപ്പെട്ടു. കല്‍പ്പറ്റ ടൗണ്‍ഹാളിലെ സൈതാലി നഗറില്‍ നടന്ന പ്രതിനിധി സമ്മേളനം എസ്.എഫ്.ഐ കേന്ദ്രകമ്മിറ്റി അംഗം ലിന്റോ ജോസഫ് ഉദ്ഘാടനം ചെയ്തു. അര്‍ജുന്‍ഗോപാല്‍ സംഘടനാറിപ്പോര്‍ട്ടും കെ.എ അനുപ്രസാദ് പ്രവര്‍ത്തനറിപ്പോര്‍ട്ടും അവതരിപ്പിച്ചു. അജ്‌നാസ് അഹമ്മദ്, അര്‍ജുന്‍, മേഘ എന്നിവരടങ്ങിയ പ്രസീഡിയമാണ് സമ്മേളനം നിയന്ത്രിച്ചത്. എസ്.എഫ്.ഐ ജില്ലാ സെക്രട്ടറി എം.എസ് ഫെബിന്‍, എം മധു, മുഹമ്മദ് ഷാഫി, വി ബാവ എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു.
ഭാരവാഹികള്‍: അജ്‌നാസ് അഹമ്മദ് (പ്രസി), അര്‍ജുന്‍ഗോപാല്‍ (സെക്ര). ജിന്റാ ലൂക്കാ, ഹുസൈന്‍, അബ്ദുള്‍കലാം (വൈസ് പ്രസി), കെ.ആര്‍ അവിഷാന്ത്, ഹബീല്‍, മേഖ (ജോ. സെക്രട്ട).