ഹൊസങ്കടി: കടമ്പാറില്‍ സമസ്ത പ്രവര്‍ത്തകര്‍ക്കു നേരെ ആക്രമണം. മൂന്നു പ്രവര്‍ത്തകര്‍ക്കു പരുക്കേറ്റു. സമസ്ത പ്രവര്‍ത്തകരായ മൊയ്തീന്‍ (45 ), റഫീഖ് കടമ്പാര്‍ (25), കുഞ്ഞുമോന്‍ (57), എന്നിവര്‍ക്കാണു പരുക്കേറ്റത് ഇവരെ കാസര്‍കോട് നുള്ളിപ്പാടിയിലെ സ്വകാര്യാശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാത്രി എട്ടോടെയാണു സംഭവം നടന്നത്.
സമസ്തയുടെ കീഴിലുള്ള ജമാഅത്ത് കമ്മിറ്റി തീരുമാനം മറികടന്നായിരുന്നു കാന്തപുരം വിഭാഗം പ്രദേശത്ത് മാനവരക്ഷാ സമ്മേളനമൊരുക്കിയത്. അതിനിടെ സംഘാടകര്‍ ഖത്തീബിനെ വേദിയിലേക്കു കൊണ്ടുപോവുകയും പ്രാസംഗികനെ കൊണ്ട് പരിഹസിച്ചു പ്രസംഗം നടത്തിയെന്നും ഇതിനെ ചോദ്യം ചെയ്തതോടെ കാന്തപുരം വിഭാഗത്തിലെ ആളുകള്‍ ആക്രമണം നടത്തുകയായിരുന്നുവെന്നും ആശുപത്രിയിലുള്ളവര്‍ പറയുന്നു.
സംഭവത്തില്‍ മഞ്ചേശ്വരം പൊലിസ് കേസെടുത്തിട്ടുണ്ട്.