ഏറ്റുമാനൂര്‍: കോട്ടയം ടെക്‌സ്റ്റയില്‍സ് ഉടന്‍ തുറന്ന് പ്രവര്‍്തതിപ്പിക്കുവാന്‍ സര്‍ക്കാര്‍ അടിയന്തിരമായി ഇടപെടണമെന്ന് സിപിഐ ഏറ്റുമാനൂര്‍ മണ്ഡലം സെക്രട്ടറി കെ ഐ കുഞ്ഞച്ചന്‍. കോട്ടയം ടെക്‌സ്റ്റയില്‍സിലെ തൊഴിലാളികള്‍ കഴിഞ്ഞ കുറെ ദിവസങ്ങളായി കമ്പനിപ്പടിയ്ക്കല്‍ കഞ്ഞിവയ്പ് സമരം നടത്തിവരികയാണ്. സമരപ്പന്തലിലേക്ക് സിപിഐ ഏറ്റുമാനൂര്‍ മണ്ഡലം കമ്മറ്റിയുടെ നേതൃത്വത്തില്‍ നടത്തിയ അഭിവാദ്യമാര്‍ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സഹകരണവേദി കോട്ടയം ജില്ലാപ്രസിഡന്റ് യു എന്‍ ശ്രീനിവാസന്‍, ചെത്ത്‌തൊഴിലാളി യൂണിയന്‍ നേതാവ് എം വി ജനാര്‍ദ്ദനന്‍, എന്‍ആര്‍ഇജിവര്‍ക്കേഴ്‌സ് യൂണിയന്‍ ജില്ലാ പ്രസിഡന്റ് പി എ അബ്ദുള്‍ കരിം, കര്‍ഷകതൊഴിലാളി യൂണിയന്‍ ഏറ്റുമാനൂര്‍ മണ്ഡലം സെക്രട്ടറി റോബിന്‍ ജോസഫ്, കിസാന്‍സഭ മണ്ഡലം സെക്രട്ടറി സി ആര്‍ ബോസ്, ലോട്ടറി തൊഴിലാളി യൂണിയന്‍ ജില്ലാ ജോയിന്റ് സെക്രട്ടറി പി കെ ചന്ദ്രശേഖരന്‍, ശശിധരന്‍ കുന്നപ്പള്ളി, സി ജെ ഷാജി എന്നിവര്‍ സംസാരിച്ചു.