കോഴിക്കോട്: കഴിഞ്ഞ വര്‍ഷാവസാനം മാവൂരിലും പരിസരങ്ങളില്‍ നിന്നുമായി രണ്ട് ലക്ഷത്തോളം രൂപ വരുന്ന പോത്തുകളെ മോഷ്ടിച്ച നാലംഗ സംഘത്തില്‍പെട്ട ഒരാള്‍ അറസ്റ്റില്‍. ചെലവൂര്‍ മേലേടത്ത് കണ്ടി റിഷാദ് (27) നെയാണ് മെഡിക്കല്‍ കോളജ് പൊലിസ് അറസ്റ്റ് ചെയ്തത്. ഒരു വര്‍ഷത്തോളമായി പൊലിസിന് പിടികൊടുക്കാതെ മുങ്ങിനടക്കുകയായിരുന്നു.
മാവൂര്‍ ഊര്‍ക്കടവില്‍ എടത്തില്‍ മീത്തല്‍ പറമ്പില്‍ കെട്ടിയിട്ടിരുന്ന പോത്തുകള്‍ കളവ് പോയതില്‍ പൊലിസ് കേസ് രജിസ്റ്റര്‍ ചെയ്ത് അന്വേഷണം നടത്തിവരികയായിരുന്നു.