തിരുവനന്തപുരം: സി.എം.പി അരവിന്ദാക്ഷന്‍ വിഭാഗത്തിന്റെ 9ാം പാര്‍ട്ടി കോണ്‍ഗ്രസ് 2017 ഫെബ്രുവരി 12, 13, 14 തിയതികളില്‍ കൊല്ലത്തു നടക്കും. 12ന് ബഹുജന പ്രകടനവും പൊതുസമ്മേളനവും 13, 14 തിയതികളില്‍ പ്രതിനിധി സമ്മേളനവുമായിരിക്കും നടക്കുക.
ദേശീയ, സംസ്ഥാന രാഷ്ട്രീയത്തിലെയും കമ്യൂണിസ്റ്റ് പ്രസ്ഥാനത്തിലെയും കാലികപ്രസക്തമായ വിവിധ വിഷയങ്ങളില്‍ സെമിനാറുകളും പാര്‍ട്ടി കോണ്‍ഗ്രസിനോടനുബന്ധിച്ച് സംഘടിപ്പിക്കും. സ്വാഗതസംഘം രൂപീകരിക്കുന്നതിനായി പാര്‍ട്ടി നേതാക്കളുടെയും പ്രവര്‍ത്തകരുടെയും അഭ്യുദയകാംക്ഷികളുടെയും ആലോചനായോഗം നാളെ ഉച്ചയ്ക്ക് രണ്ടു മണിക്ക് കൊല്ലം ജില്ലാ സഹകരണ ബാങ്ക് ഹാളില്‍ ചേരും. യോഗം പാര്‍ട്ടി സംസ്ഥാന ജനറല്‍ സെക്രട്ടറി കെ.ആര്‍ അരവിന്ദാക്ഷന്‍ ഉദ്ഘാടനം ചെയ്യുമെന്ന് സി.എം.പി പൊളിറ്റ് ബ്യൂറോ അംഗം അഡ്വ.ജി സുഗുണന്‍ അറിയിച്ചു.