കൊപ്പം: അബോധാവസ്ഥയില്‍ കണ്ടെത്തിയ വയോധിനെ ഓട്ടോതൊഴിലാളികള്‍ രക്ഷപ്പെടുത്തി. ഞായറാഴ്ച്ച രാവിലെ വിളയൂര്‍ സെന്ററിലാണ് സംഭവം. ബസ് സ്റ്റോപ്പിന് സമീപം റോഡരുകില്‍ അവശ നിലയില്‍ കിടക്കുന്നത് ശ്രദ്ധയില്‍ പെട്ട ഓട്ടോ തൊഴിലാളികള്‍ എഴുന്നേല്‍പിച്ച് ഭക്ഷണവും വെള്ളവും വാങ്ങി നല്‍കി.
കാലിലെ വൃണം കാരണം നടക്കാന്‍ കഴിയാത്ത അവസ്ഥയിലായിരുന്നു. തൊഴിലാളികള്‍ അറിയിച്ചതനുസരിച്ച് സ്ഥലത്തെത്തിയ വിളയൂര്‍ ഗ്രാമപഞ്ചായത്ത് പ്രസിഡന്റ് കെ മുരളിയുടെ സാന്നിധ്യത്തില്‍  വയോധികനോട് വിവരങ്ങള്‍ അന്വേഷിച്ചെങ്കിലും പരസ്പരവിരുദ്ധമായ മറുപടിയാണ് ലഭിച്ചത്. തൃശൂര്‍ സംസാരശൈലിയാണ്. പട്ടാമ്പി പൊലിസ് സ്ഥലത്തെത്തി വയോധികനെ കൊപ്പം 'അഭയ' കേന്ദ്രത്തില്‍ പ്രവേശിപ്പിച്ചു.