കോട്ടയം:വൈല്‍ഡ് ലൈഫ് ഫോട്ടോഗ്രാഫര്‍ മോഹന്‍ തോമസ് നയിക്കുന്ന വൈല്‍ഡ്‌ലൈഫ് ഫോട്ടോഗ്രാഫി വര്‍ക്ക്‌ഷോപ്പ് 20 ന് കോട്ടയം മാമ്മന്‍ മാപ്പിള ഹാളില്‍ നടക്കും.അക്ഷരക്കൂട്ടത്തിന്റെ ആഭിമുഖ്യത്തില്‍ ചിത്രാകൃഷ്ണന്‍കുട്ടിയുടെ അന്‍പതുവര്‍ഷത്തെ ചിത്രപ്രദര്‍ശനത്തിനോടനുബന്ധിച്ചാണ് വര്‍ക്ക്‌ഷോപ് നടത്തുക.വര്‍ക്ക്‌ഷോപ്പ് എന്‍. ജയരാജ് എം.എല്‍.എ. ഉദ്ഘാടനം ചെയ്യും. പ്രഫ. മാടവന ബാലകൃഷ്ണപിള്ള, എം. ശ്രീജിത്ത്, തേക്കിന്‍കാട് ജോസഫ്, സി.എം.എ. കരീം, വി. ജയകുമാര്‍, ജയകൃഷ്ണന്‍നായര്‍, സോമി സേവ്യര്‍, പി.ആര്‍. ദേവദാസ്, ശ്രീകുമാര്‍ ആലപ്ര തുടങ്ങിയവര്‍ പ്രസംഗിക്കും.
സിവില്‍ എഞ്ചിനീയറായ മോഹന്‍ തോമസ് പതിനേഴ് വര്‍ഷമായി കാടുകളില്‍ കയറിയിറങ്ങി ചിത്രങ്ങള്‍ പകര്‍ത്തിവരികയാണ്. വിവിധ രാജ്യങ്ങളിലെ കാടുകളില്‍നിന്നും അപൂര്‍വങ്ങളായ മൃഗങ്ങളുടെയും പക്ഷികളുടെയും ധാരാളം ചിത്രങ്ങള്‍ അദ്ദേഹത്തിന്റെ ശേഖരത്തിലുണ്ട്.
റഷ്യ, നോര്‍വ, ഫിന്‍ലന്‍ഡ്, ആര്‍ട്ടിക്, കെനിയ, ടാന്‍സാനിയ, ബ്രസില്‍ തുടങ്ങിയ രാജ്യങ്ങളിലെ കാടുകളില്‍നിന്നെല്ലാം മൃഗങ്ങളുടെയും പക്ഷികളുടെയും ചിത്രങ്ങള്‍ എടുത്തിട്ടുണ്ട്.
കടുവ, പുലി, ചീറ്റ, പോളാര്‍ കരടി, റെഡ് പാണ്ഡ തുടങ്ങിയ മൃഗങ്ങളുടെ ചിത്രങ്ങള്‍ അദ്ദേഹത്തിന്റെ ശേഖരത്തിലുണ്ട്. പത്രസമ്മേളനത്തില്‍ ചിത്രാകൃഷ്ണന്‍കുട്ടി, മോഹന്‍ തോമസ് തുടങ്ങിവര്‍ പത്രസമ്മേളനത്തില്‍ പങ്കെടുത്തു.