മയ്യില്‍ : വാഹനങ്ങളുടെ വേഗത നിയന്ത്രിക്കുന്നതിന് വേണ്ടി റോഡില്‍ സ്ഥാപിച്ച സ്പീഡ് ബ്രെയ്ക്കര്‍ രാത്രി കാലങ്ങളില്‍ നീക്കം ചെയ്യാത്തത് അപകടം ക്ഷണിച്ചു വരുത്തുന്നു.
മയ്യില്‍ ശ്രീകണ്ഠാപുരം റോഡില്‍ എട്ടേയാറില്‍ സ്ഥാപിച്ച സ്പീഡ് ബ്രെയ്ക്കര്‍ ആണ് അപകടക്കെണിയൊരുക്കിയിരിക്കുന്നത്. മാസങ്ങള്‍ക്ക് മുമ്പാണ് പുതിയതെരു മയ്യില്‍ ശ്രീകണ്ഠാപുരം റോഡില്‍ സ്ഥിരമായി വാഹനാപകടം സംഭവിക്കാറുള്ള രണ്ടിടങ്ങളില്‍ മയ്യില്‍ പൊലിസിന്റെ നേതൃത്വത്തില്‍ സ്പീഡ് ബ്രെയ്ക്കര്‍ സ്ഥാപിച്ചത്.
ഇവയില്‍ മയ്യില്‍ എട്ടേയാറില്‍ സ്ഥാപിച്ച സ്പീഡ് ബ്രെയ്ക്കറാണ് ചില ദിവസങ്ങളില്‍ നീക്കം ചെയ്യാത്തതിനാല്‍ അപകടത്തിന് ഇടവരുത്തുന്നത്. ഇരുട്ട് നിറഞ്ഞ പ്രദേശമായതിനാല്‍ അടുത്തെത്തിയാല്‍ മാത്രമേ ഇത് ശ്രദ്ധയില്‍പ്പെടുകയുള്ളൂ. വാഹനങ്ങളുടെ അമിത വേഗത കാരണം അപകടം പെരുകുന്നതാണ് സ്പീഡ് ബ്രെയ്ക്കര്‍ സ്ഥാപിക്കാന്‍ അധികൃതരെ പ്രേരിപ്പിച്ചത്.