കേരളാ സ്റ്റേറ്റ് ഇലക്ട്രോണിക്‌സ് ഡെവലപ്‌മെന്റ് കോര്‍പറേഷന്‍ ലിമിറ്റഡില്‍ (കെല്‍ട്രോണ്‍) എന്‍ജിനിയര്‍, ടെക്‌നിക്കല്‍ അസിസ്റ്റന്റ് നിയമനത്തിന് അപേക്ഷ ക്ഷണിച്ചു. ഒരു വര്‍ഷത്തേക്കുള്ള കരാര്‍ നിയമനമാണ്.

പ്രൊജക്ട് എന്‍ജിനിയര്‍ സോഫ്റ്റ്‌വെയര്‍ ഡെവലപ്‌മെന്റ് (05), സോഫ്റ്റ്‌വെയര്‍ സപ്പോര്‍ട്ട് എന്‍ജിനിയര്‍ (01), സോഫ്റ്റ്‌വെയര്‍ ടെസ്റ്റ് എന്‍ജിനിയേഴ്‌സ്, ടെസ്റ്റേഴ്‌സ് (03), ഡാറ്റാബേസ് അഡ്മിനിസ്‌ട്രേറ്റര്‍ (02), സര്‍വര്‍, സിസ്റ്റം അഡ്മിനിസ്‌ട്രേറ്റര്‍ (01), ടെക്‌നിക്കല്‍ റൈറ്റര്‍, റിക്രൂട്ട്‌മെന്റ് അനലിസ്റ്റ് (01), വെബ്‌സൈറ്റ് ഡിസൈനര്‍ (01), പ്രൊജക്ട് അസിസ്റ്റന്റ് സോഫ്റ്റ്‌വെയര്‍ ഡെവലപ്‌മെന്റ് (07), സര്‍വര്‍, സിസ്റ്റം അഡ്മിനിസ്‌ട്രേറ്റര്‍ (01), സോഫ്റ്റ്‌വെയര്‍ സപ്പോര്‍ട്ട് എന്‍ജിനിയര്‍ (02), വെബ്‌സൈറ്റ് ഡിസൈനര്‍ (01) എന്നിങ്ങനെയാണ് ഒഴിവുകള്‍.

എന്‍ജിനിയര്‍ തസ്തികയിലേക്ക് അപേക്ഷിക്കുന്നവര്‍ക്ക് ബി.ഇ, ബി.ടെക്, എം.സി.എയാണ് യോഗ്യത. ടെക്‌നിക്കല്‍ അസിസ്റ്റന്റായി അപേക്ഷിക്കുന്നവര്‍ക്കു മൂന്നു വര്‍ഷത്തെ എന്‍ജിനിയറിങ് ഡിപ്ലോമ വേണം. എഴുത്തുപരീക്ഷ, ഗ്രൂപ് ചര്‍ച്ച, അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ഈ മാസം 31ന് ബംഗളൂരുവില്‍വച്ച് എഴുത്തുപരീക്ഷയും 2017 ജനുവരി ഏഴിന് സര്‍ട്ടിഫിക്കറ്റ് പരിശോധനയും അഭിമുഖവും നടക്കും.

250 രൂപയാണ് അപേക്ഷാ ഫീസ്. എസ്.ബി.ഐ ഓണ്‍ലൈന്‍വഴിയാണ് ഫീസടയ്‌ക്കേണ്ടത്. swg.k-etlron.org എന്ന വെബ്‌സൈറ്റ് വഴി അപേക്ഷിക്കാം.
അപേക്ഷിക്കാവുന്ന അവസാന തിയതി:
ഡിസംബര്‍ 22.