കൊടുവള്ളി: മുഹമ്മദ് നബി (സ) കുടുംബനീതിയുടെ പ്രകാശം എന്ന പ്രമേയത്തില്‍ കളരാന്തിരി സമസ്ത മഹല്ല് കമ്മിറ്റിയും എസ്.കെ.എസ്.എസ്.എഫും സംയുക്തമായി മീലാദ് സമ്മേളനം നടത്തി. ചടങ്ങില്‍ കൊടുവള്ളി റെയ്ഞ്ചില്‍ നിന്നു പത്താം ക്ലാസ് പൊതുപരീക്ഷയില്‍ ഒന്നും രണ്ടുണ്ടും സ്ഥാനങ്ങള്‍ നേടിയ വിദ്യാര്‍ഥികളെയും അധ്യാപകനെയും ഖത്തര്‍ കെ.ഇ.എസ് കമ്മിറ്റിയുടെ ആഭിമുഖ്യത്തില്‍ ആദരിച്ചു. കെ.പി കുഞ്ഞോതി മാസ്റ്റര്‍ അധ്യക്ഷനായി.
ഇ.കെ ഉമ്മര്‍ ഹാജി പ്രാര്‍ഥന നടത്തി. എസ്.വൈ.എസ് മണ്ഡലം പ്രസിഡന്റണ്ട് എ.പി.എം ബാവ ജീറാനി ഉദ്ഘാടനം ചെയ്തു. അബ്ദുസ്സലാം അസ്ഹരി മുഖ്യപ്രഭാഷണം നടത്തി. പി.കെ മോയിന്‍ കുട്ടി ഹാജി, എന്‍.കെ അബ്ദുല്‍ മജീദ് മാസ്റ്റര്‍, വി. മുഹമ്മദ് മൗലവി, വി.കെ അബൂബക്കര്‍ ഫൈസി, സി.കെ അബ്ദുല്ലക്കുട്ടി, പി.കെ സാജിദ് ഫൈസി, സി.കെ ഇസ്മായില്‍ പ്രസംഗിച്ചു. അബ്ദുള്ളാ റാഷിദ് സ്വാഗതവും പി.ടി ഉനൈസ് നന്ദിയും പറഞ്ഞു.
എളേറ്റില്‍: പുതിയോട് യൂനിറ്റ് എസ്.വൈ.എസ്, എസ്.കെ.എസ്.എസ്.എഫ് കമ്മിറ്റികളുടെ സംയുക്താഭിമുഖ്യത്തില്‍ നബിദിനാഘോഷം നടത്തി. ഇ.കെ അഹമ്മദ്കുട്ടി മുസ്‌ലിയാര്‍ ഉദ്ഘാടനം ചെയ്തു. ഇ. അഹമ്മദ്കുട്ടി ഫൈസി അധ്യക്ഷനായി. ഹസന്‍ ദാരിമി കോളിക്കല്‍ പ്രഭാഷണം നടത്തി. ഗഫൂര്‍ ഫൈസി, സുലൈമാന്‍ മുസ്‌ലിയാര്‍, റസാഖ് ബാഖവി, അഷ്‌റഫ് ഫൈസി, മുനീര്‍ ഫൈസി പുതിയോട്, കെ.സി ജമാല്‍ സംസാരിച്ചു.