ചേര്‍ത്തല: ചേര്‍ത്തല ബ്ലോക്ക് കോണ്‍ഗ്രസ് പ്രത്യേക കണ്‍വെന്‍ഷന്‍ ഡി.സി.സി പ്രസിഡന്റ് അഡ്വ.എം.ലിജു ഉദ്ഘാടനം ചെയ്തു. നോട്ട് പിന്‍വലിക്കല്‍ പദ്ധതിയിലൂടെ നരേന്ദ്ര മോദി ശതകോടികളുടെ അഴിമതിയാണ് നടത്തിയിരിക്കുന്നത്. ജിയോ മൊബൈല്‍ കണക്ഷന്റെ പരസ്യ മോഡലായി നരേന്ദ്രമോദി പ്രവര്‍ത്തിക്കുന്നത് ഈ അഴിമതിയുടെ ഉദാഹരണമാണെന്നും ഡി.സി.സി പ്രസിഡന്റ് പറഞ്ഞു.
കേന്ദ്ര സര്‍ക്കാര്‍ ഉടമസ്ഥതയില്‍ ബി.എസ.്എന്‍.എല്‍ പ്രവര്‍ത്തിക്കുമ്പോഴാണ് അമ്പാനി ഗ്രൂപ്പിന്റെ ജിയോ മൊബൈല്‍ കണക്ഷന്റെ പരസ്യവക്താവായി നരേന്ദ്രമോദി പ്രവര്‍ത്തിക്കുന്നത്. ബ്ലോക്ക് പ്രസിഡന്റ് അഡ്വ.സി.വി തോമസ് അധ്യക്ഷത വഹിച്ചു. സി.കെ ഷാജിമോഹന്‍, കെ.എന്‍ സെയ്ദ് മുഹമ്മദ്, എസ്.ശരത്, എം.കെ ജിനദേവ്, ഐസക് മാടവന, ടി.സുബ്രഹ്മണ്യദാസ്, കെ.ആര്‍ രാജേന്ദ്രപ്രസാദ്, സി.ഡി ശങ്കര്‍, നവപുരം ശ്രീകുമാര്‍, എസ്.കൃഷ്ണകുമാര്‍, പി.ഉണ്ണികൃഷ്ണന്‍, രവീന്ദ്ര മേനോന്‍ എന്നിവര്‍ പ്രസംഗിച്ചു.