കൊണ്ടോട്ടി: അരിമ്പ്ര ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ അധ്യാപകരുടെ സഹകരണത്തോടെ നാട്ടിലെ യുവതീ യുവാക്കള്‍ക്കു വേണ്ടി നടത്തുന്ന പി.എസ്.സി പരിശീലനത്തിന്റെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പാടന്‍ നിര്‍വഹിച്ചു.
ഫുട്‌ബോള്‍ താരം അനസ് എടത്തൊടികയെയും ഭാരതിദാസന്‍ സര്‍വകലാശാലയില്‍ നിന്ന് ഡോക്ടറേറ്റ് നേടിയ ഹയര്‍ സെക്കന്‍ഡറി വിഭാഗം അധ്യാപകന്‍ സി.പി.ഷഫീഖിനെയും ചടങ്ങില്‍ അനുമോദിച്ചു. ടി സലീം ക്ലാസെടുത്തു. പി.ടി.എ പ്രസിഡന്റ് സി അബ്ദുറഷീദ് അധ്യക്ഷനായി.
ബ്ലോക്ക് അംഗം എം കുഞ്ഞാലന്‍കുട്ടി, പ്രൊഫ. കെ.എം അബൂബക്കര്‍, വി.ടി ഉമ്മര്‍ മാസ്റ്റര്‍, കെ.പി ഉണ്ണി, എന്‍ ഹംസ, എന്‍.കെ ഹസ്സന്‍, കെ നവാസ്, വിജേഷ് സംസാരിച്ചു.