കോവളം: വിഴിഞ്ഞം കെ.എസ്.ആര്‍.ടി.സി ഡിപ്പോയിലെ ജീവനക്കാരനെ സി.പി.എമ്മുകാരനായ എം പാനല്‍ കണ്ടക്ടര്‍ ആക്രമിച്ച് പരുക്കേല്‍പ്പിച്ചു. സി.പി.എം അനുകൂല സംഘടന നടത്തിയ മേഖലാ റാലിക്കിടെയായിരുന്നു സംഭവം.
ഐ.എന്‍. ടി.യു.സി യൂനിയന്‍ അംഗവും ഡിപ്പോയിലെ പെയിന്ററുമായ ബിനുലാലിനാണ് ആക്രമണത്തില്‍ കണ്ണിനും തലയ്ക്കും പരിക്കേറ്റത്. ഇയാളെ വിഴിഞ്ഞം സര്‍ക്കാര്‍ ആശുപത്രിയില്‍ പ്രവേശിപ്പിച്ചു. വിഴിഞ്ഞം പൊലിസ് കേസെടുത്തു.