മലപ്പുറം: തോന്നിയവരുടെ പേരിലെല്ലാം യു.എ.പി.എ ചുമത്തുന്ന പൊലിസ് നടപടി അംഗീകരിക്കാനാവില്ലെന്നും മുഖ്യമന്ത്രി ഇക്കാര്യത്തില്‍ ജാഗ്രത പാലിക്കണമെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. നിസ്സാര കേസുകളില്‍ യു.എ.പി.എ ചുമത്തുന്ന പൊലിസ് നടപടി കിരാതമാണ്്. ബി.ജെ.പി പ്രവര്‍ത്തകര്‍ നല്‍കുന്ന പരാതിയില്‍ ആര്‍ക്കെതിരെയും യു.എ.പി.എ ചുമത്താമെന്ന അവസ്ഥ അംഗീകരിക്കാനാകില്ല. മുഖ്യമന്ത്രിക്കു പൊലിസിനുമേല്‍ നിയന്ത്രണം നഷ്ടപ്പെട്ട അവസ്ഥയാണ്. യു.ഡി.എഫ് ഭരണത്തില്‍ മൂന്ന് പേര്‍ക്കുമാത്രമാണ് യു.എ.പി.എ ചുമത്തേണ്ടി വന്നതെന്നും അദ്ദേഹം മലപ്പുറത്ത് പറഞ്ഞു.