HOME
DETAILS

ടൈഫോയ്ഡിന് വായിലൂടെ നല്‍കാവുന്ന വാക്‌സിന്‍ കണ്ടെത്തി

  
backup
December 20 2016 | 19:12 PM

%e0%b4%9f%e0%b5%88%e0%b4%ab%e0%b5%8b%e0%b4%af%e0%b5%8d%e0%b4%a1%e0%b4%bf%e0%b4%a8%e0%b5%8d-%e0%b4%b5%e0%b4%be%e0%b4%af%e0%b4%bf%e0%b4%b2%e0%b5%82%e0%b4%9f%e0%b5%86-%e0%b4%a8%e0%b4%b2%e0%b5%8d

ഹൂസ്റ്റണ്‍: ടൈഫോയ്ഡിന് കാരണമാകുന്ന സാല്‍മൊണെല്ലാ വൈറസിനെ പ്രതിരോധിക്കാന്‍ വായിലൂടെ കഴിക്കാവുന്ന വാക്‌സിന്‍ വികസിപ്പിച്ചെടുത്തു. ഇന്ത്യന്‍ വംശജനായ ഡോക്ടര്‍ ഉള്‍പ്പെടെയുള്ള ശാസ്ത്രജ്ഞരാണ് കണ്ടുപിടിത്തത്തിനു പിന്നില്‍. മിക്ക ഭക്ഷ്യജന്യ രോഗങ്ങള്‍ക്കും കാരണമാകുന്ന വൈറസാണ് സാല്‍മൊണെല്ല. ആമാശയത്തില്‍ വച്ച് വാക്‌സിന്‍ നിര്‍വീര്യമാകുന്നതിനാല്‍ മിക്ക വാക്‌സിനുകളും വായ് മാര്‍ഗം നല്‍കാന്‍ കഴിഞ്ഞിരുന്നില്ല. കൂടാതെ സാല്‍മൊണെല്ലാ പ്രതിരോധത്തിനുള്ള വാക്‌സിനും കണ്ടെത്തിയിരുന്നില്ല.
എലികളില്‍ നടത്തിയ പരീക്ഷണത്തില്‍ പുതിയ വാക്‌സിന്‍ വിജയകരമാണെന്ന് കണ്ടെത്തിയതായി യു.എസിലെ ടെക്‌സാസ് യൂനിവേഴ്‌സിറ്റിയില്‍ മെഡിക്കല്‍ വിഭാഗത്തിലെ പ്രൊഫസര്‍ അശോക് ചോപ്ര പറഞ്ഞു. എലികളില്‍ വായിലൂടെ നല്‍കിയ വാക്‌സിന്‍ മികച്ച രോഗപ്രതിരോധം നടത്തുന്നതായി തെളിഞ്ഞെന്നും ഇത് മനുഷ്യരിലും ഉപയോഗിക്കാമെന്നും അദ്ദേഹം പറഞ്ഞു. സാല്‍മൊണെല്ലാ വൈറസിനെ ജൈവായുധമായും ഉപയോഗിക്കാനാകുമെന്ന് ആശങ്കയുണ്ടായിരുന്നു.
വാക്‌സിന്‍ വിജയകരമായാല്‍ ഈ ആശങ്കയ്്ക്കും പരിഹാരമാകും. യു.എസില്‍ 1.4 ദശലക്ഷം പേര്‍ക്ക് ഈ വൈറസ് രോഗം വരുത്തുകയും 400 പേര്‍ പ്രതിവര്‍ഷം മരിക്കുകയും ചെയ്യുന്നുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."