HOME
DETAILS

നിരോധനം ലംഘിച്ച് മത്സ്യബന്ധനം: ബോട്ട് പിടികൂടി

  
backup
December 21 2016 | 04:12 AM

%e0%b4%a8%e0%b4%bf%e0%b4%b0%e0%b5%8b%e0%b4%a7%e0%b4%a8%e0%b4%82-%e0%b4%b2%e0%b4%82%e0%b4%98%e0%b4%bf%e0%b4%9a%e0%b5%8d%e0%b4%9a%e0%b5%8d-%e0%b4%ae%e0%b4%a4%e0%b5%8d%e0%b4%b8%e0%b5%8d%e0%b4%af%e0%b4%ac

ഫറോക്ക്: നിരോധനം ലംഘിച്ചു ചെറുമത്സ്യം പിടിച്ചതിനു ലൈസന്‍സില്ലാത്ത ബോട്ട് കസ്റ്റഡിയിലെടുത്തു. ബേപ്പൂര്‍ സ്വദേശി പാലാട്ട്പറമ്പ് കെ.ടി ലത്തീഫിന്റെ ഉടമസ്ഥതയിലുള്ള ബ്ലൂലൈന്‍ എന്ന ബോട്ടാണ് ഇന്നലെ ഉച്ചയ്ക്ക് മറൈന്‍ എന്‍ഫോഴ്‌സ്‌മെന്റ് എസ്.ഐ സുജിത്തിന്റെ നേതൃത്വത്തിലുള്ള സംഘം പിടിച്ചെടുത്തത്.
നിരോധിച്ച ചെറുമത്സ്യം പിടിച്ചു വരുമ്പോഴാണ് ബോട്ട് കസ്റ്റഡിയിലെടുത്തത്. പരിശോധനയില്‍ ബോട്ടിനു ലൈസന്‍സുള്‍പ്പെടെയുള്ള രേഖകളില്ലെന്നു കണ്ടെത്തി.
മൂന്നു വര്‍ഷമായി ഈ ബോട്ട് നിയമവിരുദ്ധമായി മീന്‍പിടിത്തം നടത്തിവരികയായിരുന്നുവെന്നു മറൈന്‍ എന്‍ഫോഴ്‌സ്‌മെന്റ് പറഞ്ഞു.
ബോട്ടില്‍ 12 തൊഴിലാളികളാണുണ്ടായിരുന്നത്. പിടിച്ചെടുത്തവയില്‍ ഉപയോഗിക്കാവുന്ന മത്സ്യം ഹാര്‍ബറില്‍ 30,000 രൂപയ്ക്കു ലേലം ചെയ്തു. ചെറുമത്സ്യങ്ങള്‍ കടലില്‍ തള്ളി. ബോട്ട് ഫിഷറീസ് ഡെപ്പ്യൂട്ടി ഡയറക്ടര്‍ക്കു കൈമാറി. ഫിഷറീസ് ഡി.ഡി കേസെടുത്ത് പിഴ ചുമത്തും. അനധികൃത മത്സ്യബന്ധനത്തിനെതിരേ കടലിലും കരയിലും പരിശോധന ശക്തമായി തുടരുമെന്നു അധികൃതര്‍ അറിയിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."