തേഞ്ഞിപ്പലം: ശാസ്ത്ര, സാമൂഹ്യശാസ്ത്ര മേഖലകളിലെല്ലാം ഉന്നതപദവികളിലെത്തുന്നതിനു വിദ്യാര്‍ഥികളെ പ്രാപ്തരാക്കുന്നതിനാണ് കാലിക്കറ്റ് സര്‍വകലാശാല മുന്‍ഗണന നല്‍കുന്നതെന്നും സര്‍വകലാശാല വിദ്യാര്‍ഥികള്‍ക്കുവേണ്ടിയാണ് നിലകൊള്ളുന്നതെന്നും വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍. വ്യത്യസ്ത വിഷയങ്ങളില്‍ ഒന്നാം സ്ഥാനം നേടിയവര്‍ക്ക് ടോപ്പേഴ്‌സ് അവാര്‍ഡ് സമ്മാനിച്ച് സംസാരിക്കുകയായിരുന്നു അദ്ദേഹം.
വ്യത്യസ്ത വിഷയങ്ങളില്‍ 270 വിദ്യാര്‍ഥികള്‍ സര്‍ട്ടിഫിക്കറ്റുകള്‍ ഏറ്റുവാങ്ങി. പ്രോ-വൈസ് ചാന്‍സലര്‍ ഡോ. പി. മോഹന്‍ അധ്യക്ഷനായി. രജിസ്ട്രാര്‍ ഡോ. ടി.എ അബ്ദുല്‍ മജീദ്, സിന്‍ഡിക്കേറ്റ് അംഗങ്ങളായ പ്രൊഫ. സി.പി ചിത്ര, ഡോ. കെ.എം നസീര്‍, ഡോ. ടി.പി അഹമ്മദ്, കെ.കെ ഹനീഫ, സീനിയര്‍ പ്രൊഫസര്‍ ഡോ. കെ.പി മുരളീധരന്‍, സയന്‍സ് ഫാക്കല്‍റ്റി ഡീന്‍ ഡോ. അബ്രഹാം ജോസഫ്, പരീക്ഷാ കണ്‍ട്രോളര്‍ ഡോ. വി.വി ജോര്‍ജുകുട്ടി, ജോയിന്റ് കണ്‍ട്രോളര്‍ കെ.കെ സുരേഷ് സംസാരിച്ചു.