കാഞ്ഞങ്ങാട്: കാഞ്ഞങ്ങാട് യത്തീംഖാന ഓഡിറ്റോറിയത്തില്‍ നടന്ന സംയുക്ത മുസ്‌ലിം ജമാഅത്ത് സംഘടിപ്പിച്ച നബിദിന സമ്മേളനം കാഞ്ഞങ്ങാട് സംയുക്ത മുസ്‌ലിം ജമാഅത്ത് ഖാസിയും സമസ്ത കേരള ജംഇയ്യത്തുല്‍ ഉലമ ട്രഷററുമായ സയ്യിദ് മുഹമ്മദ് ജിഫ്രി മുത്തു കോയ തങ്ങള്‍ ഉദ്ഘാടനം ചെയ്തു.
കാഞ്ഞങ്ങാട് സംയുക്ത ജമാഅത്തിന്റെ ഏഴാം വര്‍ഷ മംഗല്യസഹായ വിതരണോദ്ഘാടനം സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി നിര്‍വഹിച്ചു. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി. ജനറല്‍ സെക്രട്ടറി ബഷീര്‍ വെള്ളിക്കോത്ത്, ട്രഷറര്‍ സി കുഞ്ഞാഹമ്മദ് ഹാജി പാലക്കി, കാഞ്ഞങ്ങാട് യത്തീംഖാന പ്രസിഡന്റ് സി കുഞ്ഞബ്ദുല്ല, ജനറല്‍ സെക്രട്ടറി ബി.എം മുഹമ്മദ് കുഞ്ഞി, പി മുഹമ്മദ് കുഞ്ഞി, എം മൊയ്തു മൗലവി, മുബാറക് ഹസൈനാര്‍ ഹാജി,ബഷീര്‍ ആറങ്ങാടി, കെ.യു ദാവൂദ് ഹാജി, ശരീഫ് എന്‍ജിനിയര്‍, ജാതിയില്‍ അസൈനാര്‍, മംഗല്യനിധി കോ-ഓര്‍ഡിനേറ്റര്‍ സി.കെ റഹ്മത്തുള്ള, കുവൈത്ത് പ്രതിനിധി പാലക്കി അബ്ദുറഹ്മാന്‍ ഹാജി, അബുദബി പ്രതിനിധി സി.എച്ച് അഷ്‌റഫ് കൊത്തിക്കാല്‍, കൊവ്വല്‍പള്ളി ഇബ്രാഹിം മുസ്‌ലിയാര്‍, കബീര്‍ ഫൈസി ചെറുകാട്, ശിഹാബുദ്ദീന്‍ ബാഖവി, ഹംസ മുസ്‌ലിയാര്‍ ഹോസ്ദുര്‍ഗ് കടപ്പുറം, സി മുഹമ്മദ് കുഞ്ഞി സംസാരിച്ചു.