ശ്രീകാര്യം: സമൂഹത്തില്‍ ജാതി ചിന്തകള്‍ ഇല്ലായ്മ ചെയ്യുന്നതിന് അടിത്തറയിട്ടത് ശ്രീ നാരായണ ഗുരുവാണെന്ന് ഗവര്‍ണ്ണര്‍. പി. സദാശിവം. ഗുരുവിന്റെ 'നമുക്ക് ജാതിയില്ല ' വിളംബരത്തിന്റെ ശതാബ്ദി ആഘോഷം ചെമ്പഴന്തി ഗുരുകുലത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജാതീയതയ്ക്കും അനാചാരങ്ങള്‍ക്കുമെതിരെ പോരാടിയ ഗുരുവിന്റെ ദര്‍ശനങ്ങള്‍ക്ക് മഹത്വം ഏറി വരികയാണെന്നും അദ്ദേഹം പറഞ്ഞു.
ഗുരുവിനെ തള്ളിപ്പറയുവാനുള്ള ചിലരുടെ ശ്രമങ്ങള്‍ ഭക്തര്‍ തിരിച്ചറിയണമെന്ന് ചടങ്ങില്‍ അധ്യക്ഷനായ മന്ത്രി കടകംപള്ളി സുരേന്ദ്രന്‍ പറഞ്ഞു. മന്ത്രി കെ.ടി.ജലീല്‍, കെ.മുരളീധരന്‍ എം.എല്‍.എ, മേയര്‍ വി. കെ. പ്രശാന്ത്, ഗുരുകുലം സെക്രട്ടറി സ്വാമി ശുഭാംഗാനന്ദ, കൗണ്‍സിലര്‍ കെ.എസ്. ഷീല, എന്നിവര്‍ സംസാരിച്ചു.