ടോക്കിയോ: ഹിരോഷിമയില്‍ ആണവായുധം പ്രയോഗിച്ച വിഷയത്തില്‍ മാപ്പുപറയില്ലെന്ന് അമേരിക്കന്‍ പ്രസിഡന്റ് ബരാക് ഒബാമ. ഈയാഴ്ച ഹിരോഷിമ സന്ദര്‍ശിക്കാനിരിക്കേയാണ് ഒബാമയുടെ വാക്കുകളെന്നതു ശ്രദ്ധേയമാണ്. ജപ്പാന്‍ മാധ്യമത്തിനു നല്‍കിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
ഹിരോഷിമ സന്ദര്‍ശിക്കുമ്പോള്‍, ആണവായുധ പ്രയോഗത്തില്‍ മാപ്പുപറയുമോയെന്ന ചോദ്യത്തിന് ഇല്ലെന്നായിരുന്നു ഒബാമയുടെ മറുപടി. യുദ്ധത്തിനിടയില്‍ അത്തരത്തില്‍ വിവിധ തീരുമാനങ്ങള്‍ എടുക്കേണ്ടിവരുമെന്നും അദ്ദേഹം കൂട്ടിച്ചേര്‍ത്തു.