ന്യൂയോര്‍ക്ക്: നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ മകള്‍ ഇവാങ്ക ട്രംപിനെതിരെ പ്രതിഷേധിച്ച യാത്രക്കാരനെ ജെറ്റ്ബ്ലൂ എയര്‍ലൈനില്‍ നിന്നും പുറത്താക്കി.

ന്യൂയോര്‍ക്കിലെ ജോണ്‍ എഫ് കെന്നഡി രാജ്യാന്തര എയര്‍പോര്‍ട്ടില്‍ നിന്നും സാന്‍ഫ്രാന്‍സിസ്‌കോയിലേക്ക് പോവുകയായിരുന്ന വിമാനത്തിലാണ് സംഭവം.

ഇവാങ്കയ്‌ക്കെതിരെ പ്രതിഷേധിച്ച യാത്രക്കാരനെ വിമാനത്തില്‍ നിന്നും തിരിച്ചിറക്കിയെന്ന് എയര്‍ലൈന്‍ അധികൃതര്‍ അറിയിച്ചെങ്കിലും സംഭവത്തെ കുറിച്ച് കൂടുതല്‍ വിശദീകരിക്കാന്‍ തയ്യാറായിട്ടില്ല.

ഇവാങ്കയെ കണ്ടപ്പോള്‍ യാത്രക്കാരന്‍ 'എന്റെ ദൈവമേ, ഇതൊരു ദുസ്വപ്‌നമാണ്' 'അവര്‍ നമ്മുടെ രാജ്യത്തെ നശിപ്പിച്ചു. ഇപ്പോള്‍ നമ്മുടെ യാത്രയും നശിപ്പിക്കാനെത്തിയിരിക്കുകയാണ്' എന്നിങ്ങനെയെല്ലാം അയാള്‍ വിളിച്ചുപറഞ്ഞെന്ന് ദൃക്‌സാക്ഷികള്‍ പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു.