തൃക്കരിപ്പൂര്‍: വിദ്യാഭ്യാസ രംഗത്തെ മുന്നേറ്റം ഒരു പ്രദേശത്തിന്റെ സാംസ്‌കാരികവും വിദ്യാഭ്യാസപരവുമായ ഉയര്‍ച്ചയെ സൂചിപ്പിക്കുന്നതാണെന്നു ജില്ലാ പൊലീസ് മേധാവി തോംസണ്‍ ജോസ്. തൃക്കരിപ്പൂര്‍ നടക്കാവ് കോളനിയില്‍ നടത്തിയ അദാലത്തില്‍ സംസാരിക്കുകയായിരുന്നു അദ്ദേഹം. വിവിധ വകുപ്പുകളിലെ ഉദ്യോഗസ്ഥര്‍ പങ്കെടുത്ത അദാലത്തില്‍ നിരവധി പരാതികള്‍ക്കു പരിഹാരമായി. പഞ്ചായത്ത് വൈസ്പ്രസിഡന്റ് എന്‍ സുകുമാരന്‍ അധ്യക്ഷനായി.
ജില്ലാ പഞ്ചായത്ത് അംഗം പി.വി പത്മജ, ബ്ലോക്ക് പഞ്ചായത്ത് അംഗം സി രവി, പഞ്ചായത്ത് അംഗം പി കുഞ്ഞമ്പു, ഡിവൈ.എസ്.പി ഹരിശ്ചന്ദ്ര നായിക്, വെള്ളരിക്കുണ്ട് സി.ഐ എം സുനില്‍ കുമാര്‍, ചന്തേര എസ്.ഐ ഇ അനൂപ് കുമാര്‍ സംസാരിച്ചു. താലൂക്ക് സപ്ലൈ ഓഫിസര്‍ യു നാരായണന്‍, പഞ്ചായത്ത് അസി. സെക്രട്ടറി കെ രമേശന്‍, കൃഷി ഓഫിസര്‍ അരവിന്ദന്‍ കൊട്ടാരത്തില്‍, റവന്യു ഇന്‍സ്‌പെക്ടര്‍ കെ സുനിത, ജല അതോറിറ്റിയിലെ കെ.എം ദീജ, എക്‌സൈസ് ഓഫിസര്‍ എം മഹേഷ്, പിലിക്കോട് കെ.എസ്.ഇ.ബി അസി.എന്‍ജിനിയര്‍ വി കൃഷ്ണന്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എം പ്രകാശന്‍, വില്ലേജ് എക്സ്റ്റന്‍ഷന്‍ ഓഫിസര്‍ എ രാജേഷ്, പട്ടികജാതി പ്രമോട്ടര്‍ കെ സുലജ പങ്കെടുത്തു.
നാലു വര്‍ഷം മുമ്പ് കോളനിയില്‍ അനുവദിച്ച ഒരു കോടി രൂപയുടെ പ്രവര്‍ത്തികളെ കുറിച്ച് നാട്ടുകാരുടെ ചോദ്യത്തിനു മറുപടി നല്‍കേണ്ട ജില്ലയിലെ പട്ടിക ജാതിവര്‍ഗ ഉദ്യോഗസ്ഥരാരും അദാലത്തില്‍ പങ്കെടുക്കാത്തത് പ്രതിഷേധത്തിന് കാരണമായി. വകുപ്പ് അധികൃതര്‍ക്ക് ഇതു സംബന്ധിച്ചു കത്തു നല്‍കുമെന്ന് എസ്.പി അറിയിച്ചു.