പറവൂര്‍: പട്ടാപകല്‍ കടയില്‍ നിന്നും പതിമൂവ്വായിരം രൂപ കവര്‍ന്നു. നീണ്ടൂര്‍ചിറ്റാറ്റുകര ജുമാ മസ്ജിദിന് എതിര്‍വശമുള്ള താജ് കമ്മ്യുണിക്കേഷന്‍ എന്നസ്ഥാപനത്തില്‍ നിന്നാണ് പണം കവര്‍ന്നത്.മുന്‍ ഗ്രാമ പഞ്ചായത്ത് മെമ്പര്‍കൂടിയായ കടയുടമ വി.എ താജുദ്ദീന്‍ കടയുടെ ഷട്ടര്‍ പകുതി താഴ്ത്തി ജുമുഅ നമസ്‌കാരത്തിന് പള്ളിയില്‍ പോയ സമയത്താണ് മോഷണം നടന്നത്. തൊട്ടടുത്ത എ.ടി.എമ്മിലെ ക്യാമറയില്‍ മോഷ്ടാവിന്റെ ചിത്രം പതിഞ്ഞിട്ടുണ്ടാവുമെന്നു സംശയിക്കുന്നു.ക്യാമറ പരിശോധിക്കാന്‍ നടപടി സ്വീകരിച്ചുവരുന്നതായി പൊലീസ് പറഞ്ഞു.