കൊല്ലം: ജില്ലാ ജയിലിന്റെയും ജീസസ് ഫ്രട്ടേണിറ്റിയുടെയും സംയുക്താഭിമുഖ്യത്തില്‍  കൊല്ലം ജില്ലാ ജയില്‍ അങ്കണത്തില്‍ ക്രിസ്തുമസ് ആഘോഷം നടത്തി.  എം നൗഷാദ് എം.എല്‍.എ പരിപാടി ഉദ്ഘാടനം ചെയ്തു. മനുഷ്യസ്‌നേഹവും സാഹോദര്യവുമാണ് ക്രിസ്തുമസ് നല്‍കുന്ന സന്ദേശമെന്ന് എം.എല്‍.എ പറഞ്ഞു. ആഘോഷങ്ങളുടെ ഭാഗമായി എം.എല്‍.എ കേക്ക് മുറിച്ചു.  ജയില്‍ സൂപ്രണ്ട് കെ. വിശ്വനാഥ കുറുപ്പ് അധ്യക്ഷനായി.  ജയില്‍ ഡി.ഐ.ജി ബി പ്രദീപ്  മുഖ്യപ്രഭാഷണം നടത്തി.
കൊല്ലം രൂപതാ ചാന്‍സലര്‍ ഫാ. ഷാജി ജര്‍മന്‍, വാര്‍ഡ് കൗണ്‍സിലര്‍ കെ വത്സല, ജില്ലാ ലൈബ്രറി കൗണ്‍സില്‍ പ്രസിഡന്റ് ഡോ. പി.കെ ഗോപന്‍, റീജണല്‍ വെല്‍ഫെയര്‍ ഓഫീസര്‍ കെ.ഇ ഷാനവാസ്, ജയില്‍ ഡെപ്യൂട്ടി സൂപ്രണ്ട് എ.ജെ അനില്‍കുമാര്‍, വെല്‍ഫെയര്‍ ഓഫീസര്‍ കെ.വി മുകേഷ് തുടങ്ങിയവര്‍ സംസാരിച്ചു.
തുടര്‍ന്ന് അന്തേവാസികള്‍ അവതരിപ്പിച്ച കലാപരിപാടികളും നടന്നു.