പതിമൂന്നാം നൂറ്റാണ്ടണ്ടില്‍ ജീവിച്ചിരുന്ന ഫ്രാന്‍സിസ് അസീസിയാണ് ക്രിസ്മസ് വിളക്കുകളുടെ പിതാവ്. നല്ലൊരു ഗായകനായിരുന്നു. ക്രിസ്മസിന് അദ്ദേഹം ഒരു ഗാനമെഴുതി പാടി. പിന്നീട് ഫ്രാന്‍സ്, സ്‌പെയിന്‍ എന്നല്ല യൂറോപ്പ് മുഴുവന്‍ അദ്ദേഹത്തിന്റെ അനുയായികള്‍ ക്രിസ്മസ് രാത്രിയില്‍ വിളക്കുകളുടെ വെളിച്ചത്തില്‍ ആ ഗാനം ആലപിക്കുന്നതാണ് കണ്ടത്. ക്രിസ്തുവിന്റെ ജന്മകഥയായിരുന്നു ഗാനങ്ങളുടെ ഉള്ളടക്കം.

ആസ്ട്രിയയിലെ മലമ്പ്രദേശങ്ങളില്‍ നക്ഷത്രവിളക്കുകള്‍ തൂക്കിയിട്ട്, നിലത്തു തീകൂട്ടി ചുറ്റുമിരുന്ന് ക്രിസ്മസ് ഗാനങ്ങള്‍ പാടുന്ന പതിവുണ്ടണ്ട്. ഇംഗ്ലണ്ടണ്ടില്‍ വീടുകള്‍തോറും ജ്വലിക്കുന്ന നക്ഷത്രവിളക്കുമേന്തി ക്രിസ്മസ് കരോള്‍ പാടുന്നതിനു പ്രത്യേക സംഘങ്ങള്‍ തന്നെയുണ്ടണ്ടായിരുന്നു. വിളക്കേന്തിയ കാത്തിരിപ്പുകാര്‍ എന്ന പേരിലാണ് അവര്‍ അറിയപ്പെട്ടിരുന്നത്.

അയര്‍ലന്‍ഡില്‍ കുടുംബാംഗങ്ങള്‍ ഒന്നിച്ചിരുന്ന് ക്രിസ്മസ് വാരത്തിലെ രാത്രികളില്‍ പ്രാര്‍ഥിക്കുമ്പോള്‍ കുടുംബനാഥന്‍ ക്രിസ്മസ് വിളക്കു കത്തിച്ച് എല്ലാവരും കാണ്‍കെ വീടിനു മുന്നിലെ ക്രിസ്മസ് ട്രീയില്‍ തൂക്കിയിടാറുണ്ടണ്ട്. ഈ അനുഷ്ഠാനത്തിനു പിന്നില്‍ രസകരമായ ഒരു ചരിത്രമുണ്ടണ്ട്. മത സ്വാതന്ത്ര്യം നിഷേധിക്കപ്പെട്ടിരുന്ന കാലത്തു ക്രിസ്തീയ വൈദികര്‍ ഒളിവില്‍ കഴിഞ്ഞ് അതീവ രഹസ്യമായാണ് ഇടവകകളിലെ വിശ്വാസികളെ സന്ദര്‍ശിച്ചിരുന്നത്.
ഈ സാഹചര്യത്തില്‍ ക്രിസ്മസിന്റെ ആത്മീയ ആവശ്യങ്ങള്‍ നിര്‍വഹിച്ചുകൊടുക്കാന്‍ വൈദികരുടെ സാന്നിധ്യം അവര്‍ക്ക് അത്യന്താപേക്ഷിതമായിരുന്നു. അതിനു രഹസ്യമായ ഒരു ബുദ്ധി അവര്‍ ജനങ്ങള്‍ക്ക് ഉപദേശിച്ചുകൊടുത്തു. വൈദികര്‍ക്കു മാര്‍ഗനിര്‍ദേശമേകാന്‍ ക്രിസ്മസ് രാത്രിയില്‍ വാതില്‍ തുറന്നിട്ട് വീടിന്റെ ജനാലയ്ക്കല്‍ ഒരു ക്രിസ്മസ് വിളക്ക് തെളിയിച്ചുവയ്ക്കുക.

ആ വെളിച്ചം കണ്ടണ്ടുകൊണ്ടണ്ടായിരിക്കും വൈദികര്‍ രഹസ്യമായി ആ ഭവനത്തില്‍ കടന്നുവരുന്നത്. ഇവിടെനിന്നു പ്രചരിച്ചതായിരിക്കണം ഇന്നത്തെ ക്രിസ്മസ് വിളക്കുകള്‍ എന്നു കരുതുന്നവരും വളരെയാണ്. ഫ്രാന്‍സില്‍ പാതിരാ കുര്‍ബാനക്കുശേഷം കുടുംബാംഗങ്ങള്‍ ഒന്നിച്ചിരുന്നു ഭക്ഷണം കഴിക്കുകയും ക്രിസ്മസ് വിളക്കിനു ചുറ്റുമിരുന്ന് മംഗളഗാനങ്ങള്‍ പാടുകയും ചെയ്യുന്ന പതിവ് ഇന്നും തുടര്‍ന്നു വരുന്നു.

ഫ്രാന്‍സിസ് ഓഫ് അസീസിയുടെ ഭാവനാഫലമായി ഗ്രേഷ്യോയില്‍ രൂപംകൊണ്ടണ്ട വിളക്കോടൂകൂടിയ ക്രിസ്മസ് ക്രിബ് (പുല്‍ക്കൂട്) ഇന്നും അവിടെ സൂക്ഷിച്ചു വരുന്നുണ്ടണ്ട്. മധ്യ യൂറോപ്പില്‍ കര്‍ഷകര്‍ മനോഹരമായ ക്രിസ്മസ് വിളക്കുകള്‍ നിര്‍മിച്ച് അവ ക്രിബുകളില്‍ സ്ഥാപിക്കുന്നതിന് നീണ്ടണ്ട ശരത്കാല രാത്രികള്‍ ചെലവഴിക്കുന്നു.

വിയന്നയിലെ ദേവാലയങ്ങളിലും കുട്ടികള്‍ വ്യത്യസ്തവും തേജോമയവുമായ വിളക്കുകള്‍ നിര്‍മിച്ച് പുല്‍ക്കൂടുകളില്‍ സ്ഥാപിക്കാറുണ്ടണ്ട്. അവിടെ ക്രിസ്മസ് ആഘോഷങ്ങളില്‍ ക്രിസ്തു കഴിഞ്ഞാല്‍ ഏറ്റവുമധികം പ്രാധാന്യം കല്‍പ്പിക്കുന്നതും ക്രിസ്മസ് വിളക്കുകള്‍ക്കാണ്.