കണ്ണൂര്‍: ക്രിസ്മസിനെ വരവേറ്റ് ക്രൈസ്തവ ദേവാലയങ്ങളില്‍ തിരുപ്പിറവി ആഘോഷം. പാതിരാത്രി ദേവാലയങ്ങളില്‍ തിരുപ്പിറവിയുടെ തിരുക്കര്‍മങ്ങളും പാതിരാകുര്‍ബാനയും നടന്നു. തലശേരി സെന്റ് ജോസഫ്‌സ് കത്തീഡ്രലില്‍ നടന്ന തിരുക്കര്‍മങ്ങള്‍ക്ക് ആര്‍ച്ച് ബിഷപ് മാര്‍ ജോര്‍ജ് ഞരളക്കാട്ടും കണ്ണൂര്‍ ബര്‍ണശ്ശേരി ഹോളിട്രിനിറ്റി കത്തീഡ്രലില്‍ നടന്ന തിരുക്കര്‍മങ്ങള്‍ക്കു ബിഷപ് ഡോ. അലക്‌സ് വടക്കുംതലയും മുഖ്യകാര്‍മികത്വം വഹിച്ചു. ഇന്നു രാവിലെ ഏഴി നും (ഇംഗ്ലീഷ്) ഒന്‍പതിനും വൈകുന്നേരം അഞ്ചിനും ദിവ്യബലിയുണ്ടാകും. വിവിധ ദേവാലയങ്ങളുടെ നേതൃത്വത്തില്‍ ക്രിസ്മസ് കരോളും നടന്നു. തിരുപ്പിറവിയുടെ സന്ദേശവുമായി ദേവാലയങ്ങളിലും ഭവനങ്ങളിലും പുല്‍ക്കൂടുകളും ക്രിസ്മസ് ട്രീയുമൊക്കെ സജ്ജമാക്കിയിരുന്നു.